ଏହି ଅବସରରେ ଜାତୀୟ ସେବା ଯୋଜନା କାର୍ଯ୍ୟକ୍ରମ ଅଧିକାରୀ ଡକ୍ଟର କୈଳାସ ଚନ୍ଦ୍ର ମହାରଣା ଓ ରେଞ୍ଜର ଲିଡର ଅଧ୍ୟାପିକା ସ୍ନିଗ୍ଧାରାଣୀ ମୁଦୁଲିଙ୍କ ନେତୃତ୍ୱରେ ଛାତ୍ର ଛାତ୍ରୀ ଓ ସ୍ବେଛାସେବୀ ମାନେ ଏକ ଶୋଭାଯାତ୍ରାରେ ନେତାଜୀଙ୍କ ବୀରତ୍ୱ ସମ୍ପର୍କରେ ବିଭିନ୍ନ ନାରା ଦେଇ ଅଞ୍ଚଳ ପରିକ୍ରମା କରିବା ସହ ସ୍ଥାନୀୟ ବାଳିକା ବିଦ୍ୟାଳୟ ପରିସରରେ ଥିବା ନେତାଜୀଙ୍କ ପ୍ରତିମୂର୍ତ୍ତିରେ ପୁଷ୍ପମାଳ ପ୍ରଦାନ କରିଥିଲେ l
ଏହାପରେ ମହାବିଦ୍ୟାଳୟ ପରିସରରେ ଅଧ୍ୟକ୍ଷ ଡକ୍ଟର ଲଷ୍ମୀଧର ସୁବୁଦ୍ଧିଙ୍କ ସଭାପତିତ୍ୱ କରି ନେତାଜୀଙ୍କ ଜୀବନାଦର୍ଶ ଓ ପରାକ୍ରମ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ l ସମ୍ମାନିତ ଅତିଥି ଭାବେ ରାଷ୍ଟ୍ରପତି ପୁରସ୍କାର ପ୍ରାପ୍ତ ସ୍ବେଛାସେବୀ ବିକ୍ରମ ବିଷୋୟୀ ଯୋଗଦେଇ ନେତାଜୀଙ୍କ ଦେଶଭକ୍ତି ଅବତାରଣା କରିବା ସହ ବିଭିନ୍ନ ପ୍ରେରଣାଦାୟୀ ସଂଗୀତ ମାଧ୍ୟମରେ ସ୍ବେଛାସେବୀ ମାନଙ୍କୁ ଉତ୍ସାହିତ କରିଥିଲେ l
ଛାତ୍ରୀ ଆଦ୍ୟାଶା ଜେନା ମଧ୍ୟ ନେତାଜୀଙ୍କ ଜୀବନର ବିଭିନ୍ନ ଉଲ୍ଲେଖନୀୟ କାହାଣୀ ଉପସ୍ଥାପନା କରିଥିଲେ l ଏହି କାର୍ଯ୍ୟକ୍ରମକୁ ଡକ୍ଟର କୈଳାସ ଚନ୍ଦ୍ର ମହାରଣା ସଂଯୋଜନା କରିବା ବେଳେ ରେଞ୍ଜର ଲିଡର ସ୍ନିଗ୍ଧା ମୁଦୁଲି ଧନ୍ୟବାଦ ଅର୍ପଣ କରିଥିଲେ l
