23 ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ଆର,ଉଦୟଗିରି :- ଗଜପତି ଆର,ଉଦୟଗିରି ଗ୍ରାମରେ ବୁଧବାର ମଧ୍ୟାହ୍ନ ୧୨ ଘଣ୍ଟା ସମୟରେ ଆର,ଉଦୟଗିରି (ପଶ୍ଚିମ)udpfରେ ବେଆଇନ ଭାବେ ଗଛ କାଟି ସଂଫା କରି ନିଆ ଲଗାଉ ଥିବା ସମୟରେ ଆର,ଉଦୟଗିରି ବନବିଭାଗ ଦୁଇ ଜଣ ଙ୍କୁ ଗିରଫ କରିଛି । ବନବିଭାଗର ସୁଚନା ପ୍ରକାରେ ବୁଧବାର ମଧ୍ୟାହ୍ନରେ ଆର,ଉଦୟଗିରି ଜଙ୍ଗଲରେ ପାରିଭେଟା ଗ୍ରାମର ଦୁଇ ଜଣ ବ୍ୟକ୍ତି ଥାମୋସ ଭୂଆଁ ଓ ଜେମସ ବଡରଇତ ଜଙ୍ଗଲ କାଟି ସଫାକରି ନିଆଁ ଲଗାଉଥିବା ସମୟରେ ପାରଳାଖେମୁଣ୍ଡି ବନଖଣ୍ଡ ଅଧିକାରୀ ଏସ. ଆନନ୍ଦଙ୍କ ନିର୍ଦେଶ କ୍ରମେ ବନାଞ୍ଚଳ ଅଧିକାରୀ ଉମା ଶଙ୍କର ବିଶୋୟୀଙ୍କ ତତ୍ତ୍ବାବଧାନରେ ଫରେଷ୍ଟ ସନ୍ତୋଷ ସାହୁ,
ବିଜୟ ମହାରଣା, ମୋଜେଶ ଶବର, ଫରେଷ୍ଟଗାର୍ଡ ପ୍ରୟଙ୍କା ଦଳବେହେରା ଓ ପାରା ଷ୍ଟାଫ ମାନେ ସଦଳ ବଳେ ଚଢାଉ କରି ଦୁଇ ଜଣଙ୍କୁ ଗିରଫ କରିଛନ୍ତି । ଗିରଫ ପରେ ରେଞ୍ଜର ଅଫିସ ଅଫେନସ ଓଆର କେସ ନଂ 44 ର ୨୪.୨୫ ଅନୁଯାୟୀ ପଞ୍ଜକୃତ କରି ଦୁଇ ଜଣଙ୍କୁ କୋର୍ଟ ପଠାଇ ଦିଆଯାଇଛି । କୋର୍ଟ ଜାମିନି ନାମାଞ୍ଜୁର ହେବାରୁ ଆସାମୀ ଦୁଇଜଣଙ୍କୁ ଆର,ଉଦୟଗିରି ଜେଲହାଜତକୁ ପଠାଯାଇଛି ବୋଲି ବନବିଭାଗ ସୁତ୍ରରୁ ପ୍ରକାଶ । ଆଗକୁ ଗ୍ରୀଷ୍ମ ରୁତୁ ଆସୁଥିବାରୁ ଯଦି କେହି ଜଙ୍ଗଲରେ ନିଆଁ ଲଗାଏ ତେବେ ଏପରି ଧରପଗଡ ହେବ ବୋଲି ବନ ବିଭାଗ ସୁତ୍ର ପ୍ରକାଶ ।
