23ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ବାଲିପାଟଣା :- ଭୁବନେଶ୍ବର ଉପକଣ୍ଠ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଅନ୍ତର୍ଗତ ଦଳକଷୋଟି ଗ୍ରାମ ନୀଳକଣ୍ଠ ସରକାରୀ ଉ.ପ୍ରା. ବିଦ୍ୟାଳୟ ପରିସରରେ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିଷୟତ୍ରୀ ଶ୍ରୀମତି ସଂଯୁକ୍ତା ସାହୁଙ୍କ ସଭାପତିତ୍ଵର ଏକ ସାଧାରଣ ସଭାର ଆୟୋଜନ ହୋଇଥିଲା । ସଭାରେ ଯୋଗ ଦେଇଥିବା ଅତିଥିଗତା ଛାତ୍ରଛାତ୍ରୀ ଏବଂ ଅଭିଭାବକ ମାନଙ୍କୁ ସୁଚିନ୍ତିତ ପରାମର୍ଶ ଦେଇଥିଲେ । ମୁଖ୍ୟ ଅତିଥି ଟିଭି ଉପସ୍ଥାପିକା ଇତିଶ୍ରୀ ନାୟକ କହିଥିଲେ ଛାତ୍ରଛାତ୍ରୀମାନେ ଶୃଙ୍ଖଳିତ ଜୀବନଯାପନ ସହିତ ଗୁରୁଜନ ଏବଂ ପିତା ମାତାଙ୍କୁ ସମ୍ମାନ ଦେଲେ ଜୀବନ ରେ ଜଣେ ଜଣେ ଭଲ ମଣିଷ ହୋଇ ପାରିବେ ।
ଅଭିଭାବକମାନେ ଛାତ୍ରଛାତ୍ରୀମାନଙ୍କ ଉପରେ ପାଠ ପଢା ପାଇଁ ଚାପ ପକାଇବା ଉଚିତ୍ ନୁହେଁ ବୋଲି ଇତିଶ୍ରୀ କହିଥିଲେ । ସେହିପରି ସମ୍ମାନୀତ ଅତିଥି ବରିଷ୍ଠ ସାମ୍ବାଦିକା ଡକ୍ଟର ସୌମ୍ୟା ପରିଡ଼ା କହିଥିଲେ ଛାତ୍ରଛାତ୍ରୀମାନେ ମୋବାଇଲ୍ ଠାରୁ ଦୂରେଇ ରହିବା ଆବଶ୍ୟକ । ପ୍ରତ୍ୟେକ ଛାତ୍ରଛାତ୍ରୀ ପାଠପଢା ସହ ବୃକ୍ଷରୋପଣ କଲେ ଏକ ସୁନ୍ଦର ଏବଂ ସ୍ଵାସ୍ଥ୍ୟ କର ପରିବେଶ ଗଢି ଉଠିବ ବୋଲି ସୌମ୍ୟା କହିଥିଲେ । କାର୍ଯ୍ୟକ୍ରମରେ କୃତି ଛାତ୍ରଛାତ୍ରୀ, ଏବଂ ବିଶିଷ୍ଟ ବ୍ୟକ୍ତି ବିଶେଷଙ୍କୁ ମାନପତ୍ର ଏବଂ ବୃକ୍ଷ ଚାରା ପ୍ରଦାନ କରାଯାଇ ସମ୍ମାନୀତ କରାଯାଇଥିଲା ।
ଶେଷରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବିଦ୍ୟାଳୟ ପ୍ରତିଷ୍ଠାତା ସ୍ଵର୍ଗତ ନିତ୍ୟାନନ୍ଦ ପରିଡାଙ୍କ ପରିବାର ସଦସ୍ୟ ଶ୍ରୀମତୀ ସଂଧ୍ୟାରାଣୀ ପରିଡା, ଶ୍ରୀଯୁକ୍ତ ନିରଞ୍ଜନ ପରିଡା, ଶ୍ରୀଯୁକ୍ତ ଜମ୍ବେଶ୍ଵର ପରିଡା, ବିଦ୍ୟାଳୟ ପରିଚାଳନା କମିଟି ସଭାପତି ସୁଶାନ୍ତ ପାଢୀ, ମୋ ସ୍କୁଲ୍ ସଭାପତି ରତିକାନ୍ତ ବେହେରା, ଚକ୍ରଧର ନାୟକ, ସୁରେନ୍ଦ୍ର ସ୍ଵାଇଁ, କ୍ଲଷ୍ଟର ସିଆରସିସି ଶ୍ରୀମତୀ ଲକ୍ଷ୍ମୀପ୍ରିୟା ପରିଡା, ମୁଖ୍ୟ ବକ୍ତା ଭାବେ ଅବସର ପ୍ରାପ୍ତ ପ୍ରଧାନ ଶିକ୍ଷକ ହରିହର ବେହେରା ଯୋଗ ଦେଇଥିଲେ । ଶିକ୍ଷକ ରମାରଞ୍ଜନ ଦାସ ମଞ୍ଚ ପରିଚାଳନା କରିଥିଲେ ।
