୧୭ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ପୁରୀ :- ପୁରୀ ସହରର ପ୍ରମୁଖ ଛକ ଭାବେ ପରିଚିତ ସୁବାଷ ବୋଷ ଛକ । ଭିଆଇପି ରୋଡ, ଜେଲ ରୋଡ, ଚକ୍ରତୀର୍ଥ ରୋଡ ଓ ଦିଗବାରେଣୀ ରୋଡ ସହ ସଂଯୋଗ କରିଛି ଏହି ଛକ । ଏହା ସହ ବ୍ଲୁ ଫ୍ଲାଗ ବିଚ କୁ ଯିବା ପାଇଁ ଅନ୍ଯ ଏକ ରାସ୍ତା ସହ ସଂଯୋଗ କରିଛି । ଜିଲ୍ଲାପାଳଙ୍କ ଆବାସିକ କାର୍ଯ୍ଯାଳୟ ,ରୋଟାରୀ କ୍ଲବ ଓ ଷ୍ଟେଟ ବ୍ୟାଙ୍କ ଠାରୁ ଗଡାଣିଆ ରାସ୍ତା ବୋଷ ଛକର ପର୍ଯ୍ୟଟନ କାର୍ଯ୍ଯାଳୟ ନିକଟରେ ଆସୁଥିବା ଗାଡି ଗୁଡିକ ଭିଆଇପି ରୋଡ ପଟକୁ ବୁଲିବା ବେଳେ ରାସ୍ତାପାର୍ଶ୍ବରେ ସ୍ଲାପ ଓ ସ୍ବରେଜ ମ୍ଯାନ ହଲ ରହିଛି ।
ସେହି ସ୍ଥାନର ଅବସ୍ଥା ଏପରି ହୋଇଛି ଯେ ଗାଡି ବାମପାର୍ଶ୍ଵକୁ ମଡେଇ କରି ନେବା କଷ୍ଟ ସାଧ୍ଯ ହୋଇପଡୁଛି । ପ୍ରବାସୀ ଭାରତୀୟ ଆସିବେ ବୋଲି ଅନେକ ଖାଲୁଆ ରାସ୍ତାରେ ପ୍ଯାଚ ପଡିଥିଲେ ମଧ୍ଯ ଏହି ରାସ୍ତା କାହାରି ନଜର ପଡିନାହିଁ । ପର୍ଯ୍ୟଟନ କାର୍ଯ୍ଯାଳୟ ନିକଟରେ ସ୍ଲାପ ନପଡି ଡ୍ରେନ ଖୋଲା ରହିଛି । କିଛିଦିନ ତଳେ ବଡଦାଣ୍ଡ ବଡଶଙ୍ଖ ନିକଟରେ ଜଣେ ବୃଦ୍ଧ ଡ୍ରେନରେ ପଡି ମୃତ୍ୟୁବରଣ କରିଥିଲେ । ଏହି ଘଟଣା ପରେ ପୌରସଂସ୍ଥା ନିଦ୍ରା ଭଙ୍ଗିନଥିବା ଅଭିଯୋଗ ହେଉଛି ।
ପୂର୍ତ୍ତ ବିଭାଗର କିଛି ଧ୍ରୃତ ଠିକାଦାର ମନଇଛା ପ୍ଯାଚ ପକାଇ ଲକ୍ଷାଧିକ ଟଙ୍କା ବିଲ କରିଥିବା କୁହାଯାଉଛି । ଅନ୍ଯପକ୍ଷରେ ପୂର୍ତ୍ତ ବିଭାଗର ମୁଖିଆ ଧ୍ରୃର୍ତ୍ତରାଷ୍ଟ୍ରଙ୍କ ପରି ଅଭିନୟ କରୁଥିବା ଆଲୋଚିତ ହେଉଛି । ଅଧିକାରୀ ଜଣଙ୍କ ପୁରୀ ଅଫିସ ଓ ଖୋର୍ଦ୍ଧା ଅଫିସ ଦାୟିତ୍ବରେ ଥିବାବେଳେ ଭୁବନେଶ୍ବରରେ ରହୁଥିବା ଚର୍ଚ୍ଚା ହୋଇଛି । ପର୍ଯ୍ୟଟକ ତୀର୍ଥଯାତ୍ରୀ ଓ ସହରବାସୀଙ୍କ ହିତକୁ ଦୃଷ୍ଟିରେ ରଖି ତୁରନ୍ତ ଏହି ଛକରେ ମରାମତି କରିବାକୁ ସାଧାରଣରେ ଦାବି ହେଉଛି ।
