୧୭ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ବାଲିପାଟଣା :- ବାଲିପାଟଣା ବ୍ଲକ ଅନ୍ତର୍ଗତ ଆମଣାକୁଦ ଗ୍ରାମର ବାଲୁଙ୍କେଶ୍ୱର ମହାଦେବ ମନ୍ଦିର ପ୍ରାଙ୍ଗଣରେ ନିଆଳି ଭାଗବତ ପ୍ରଚାର ସମିତି ପକ୍ଷରୁ ଏକ ମାସ ବ୍ୟାପି ଅନୁଷ୍ଠିତ ରାମ ଚରିତ ମାନସ ଓ ଭାଗବତ ପାରାୟଣ ଉଦଯାପିତ ହୋଇଯାଇଛି ।
ପ୍ରବଚକ ଡାକ୍ତର ରାଧାନାଥ ପଣ୍ଡା ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ର ଭଗବାନଙ୍କର ମାନବୀୟ ଲୀଳାର କଥନ ଓ ଶ୍ରୀମଦ ଭାଗବତର ଅମୃତ ବାଣୀ ବିଷୟରେ ଉପସ୍ଥିତ ଶ୍ରଦ୍ଧାଳୁ ଭକ୍ତମାନଙ୍କୁ ଶ୍ରବଣ କରାଇଥିଲେ, ପ୍ରତିଦିନ ଗ୍ରାମର ବହୁ ମହିଳା ଓ ପୁରୁଷ ଭକ୍ତମାନେ ପ୍ରଭୂ ଶ୍ରୀରାମ କଥା ଅମୃତ ଶୁଣି ଆନନ୍ଦିତ ହୁଅନ୍ତି, ଗ୍ରାମର ଶିବ ପ୍ରସାଦ ସାମନ୍ତରାୟ, ନିଗମାନନ୍ଦ ମହାପାତ୍ର, ବିଭୂତି ଭୂଷଣ ମହାପାତ୍ର,ବିଶ୍ୱଜିତି ପାତ୍ର, ରୁଦ୍ରନାରାୟଣ ରାୟ, ପ୍ରମୁଖ କର୍ମକର୍ତ୍ତାମାନେ ପରିଚାଳନାରେ ସହଯୋଗ କରିଥିଲେ ।
