ମାରଦୁଲି ଜଙ୍ଗଲରେ କୁମ୍ବିଂ ଅପରେସନ : ମାଓ କ୍ୟାମ୍ପ ସହ ଆଇଇଡି ଠାବ

୦୮ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଲିଗୁଡା :-> କୁମ୍ବିଂବେଳେ ମାଓ କ୍ୟାମ୍ପ ସହ ଆଇଇଡି ଠାବ କରାଯାଇଛି ବୋଲି କନ୍ଧମାଳ ଏସପି ହରିଶ ବି.ସି ସୂଚନା ଦେଇଛନ୍ତି । ବାଲିଗୁଡ଼ା ଥାନା ମାରଦୁଲି ଜଙ୍ଗଲରେ କୁମ୍ବିଂ ଅପରେସନ ଚାଲିଥିବାବେଳେ ସିଆରପିଏଫ ଏବଂ ଏସଓଜି ମାଓ କ୍ୟାମ୍ପ ସହ ଆଇଇଡି ଠାବ କରିଛନ୍ତି । ମାଓ କ୍ୟାମ୍ପରୁ ବହୁ ମାଓ ସାମଗ୍ରୀ ସହ ଦେଶୀ ବନ୍ଧୁକ ଜବତ କରାଯାଇଛି ।

ବାଲିଗୁଡ଼ା ଥାନା ମାରଦୁଲି ଜଙ୍ଗଲରେ କେକେବିଏନ ସଂଗଠନର ୧୫ରୁ ଅଧିକ ସସସ୍ୟ ଲୁଚି ରହିଥିବା ସନ୍ଦେହ କରାଯାଉଛି ।କନ୍ଧମାଳ ମାରଦୁଲି ଜଙ୍ଗଲରେ କୁମ୍ବିଂବେଳେ ଟଳିଗଲା ବିପଦ । ସିଆରପିଏଫ ଏବଂ ଏସଓଜ କୁମ୍ବିଂ ଅପରେସନ ଚଳାଇଥିବାବେଳେ ୨ଟି ଆଇଇଡିକୁ ବୋମା ନିଷ୍କ୍ରିୟକାରୀ ଟିମ ନିଷ୍କ୍ରିୟ କରିଛନ୍ତି । ଫଳରେ ମାଓବାଦୀଙ୍କ ଆଇଇଡି ବିସ୍ଫୋରଣରୁ ଯବାନମାନେ ଅଳ୍ପକେ ବର୍ତ୍ତିଯାଇଛନ୍ତିି । ବର୍ତ୍ତମାନ ମଧ୍ୟ କୁମ୍ବିଂ ଅପରେସନ ଜାରି ରହିଛି ବୋଲି କନ୍ଧମାଳ ଏସପି ହରିଶ ବି.ସି ପ୍ରକାଶ କରିଛନ୍ତି ।

Exit mobile version