୦୬ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଡମପଡ଼ା ବ୍ଲକ ଅନ୍ତର୍ଗତ ତୁଳସୀପୁର ଗ୍ରାମର ସ୍ୱପ୍ନଶ୍ୱେର ମନ୍ଦିର ପ୍ରାଙ୍ଗଣରେ ଏକ ଧର୍ମ ସଭା ଅନୁଷ୍ଠିତ ହୋଇଯାଇଛି । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଧର୍ମ ସଭା ପାରମ୍ପରିକ ରୀତିନୀତିରେ କରାଯାଇଥିଲା । ଆନନ୍ଦ ଚନ୍ଦ୍ର ପଣ୍ଡାଙ୍କ ସଭାପତିତ୍ୱରେ ସଭାଟି ଅନୁଷ୍ଠିତ ହୋଇଥିଲା । ତ୍ରିଦଣ୍ଡୀ ସ୍ୱାମୀ ଶୀଳ ମଧୁସୂଦନ ମହରାଜଙ୍କ ଦ୍ୱାରା ଦୈନନ୍ଦିନ ଜୀବନରେ ଗୀତାର ଆବଶ୍ୟକତା ଓ ମହତ୍ୱ ସଂପର୍କରେ ଆଲୋକପାତ କରାଯାଇଥିଲା ।
ଗ୍ରାମ ତଥା ନିକଟବର୍ତ୍ତୀ ଗ୍ରାମର ଅନେକ ଆଧ୍ୟାତ୍ମିକ ବ୍ୟକ୍ତିମାନେ ଉପସ୍ଥିତ ହୋଇ ସତ୍୍ସଙ୍ଗକୁ ସାଫଲ୍ୟ ମଣ୍ଡିତ କରିବାରେ ସହଯୋଗ କରିଥିଲେ । ଏହି ଧର୍ମସଭା ଆଜକୁ ପ୍ରାୟ ଦୁଇଦଶନ୍ଧିରୁ ଅଧିକ ଧରି ଅନୁଷ୍ଠିତ ହୋଇଆସୁଅଛି । ଶେଷରେ ମହାପ୍ରସାଦ ଭୋଜନର ବ୍ୟବସ୍ଥା ହୋଇଥିଲା । ଏହି ଉତ୍ସବରେ ମୁଖ୍ୟବକ୍ତା ପୁଷ୍ପାଞ୍ଜଳି ଦାସୀ, ଅଶୋକ କୁମାର ପଣ୍ଡା ତାଙ୍କର ବକ୍ତବ୍ୟ ପ୍ରଦାନ କରିଥିଲେ । ସଂପାଦକ ମିନକେତନ ଶ୍ରୀଚନ୍ଦନ, ଆୟୋଜକ ପ୍ରିୟରଞ୍ଜନ ପଣ୍ଡା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
