୦୬ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଡମପଡ଼ା ବ୍ଲକ ଅନ୍ତର୍ଗତ ନରଗାଙ୍ଗ ପଂଚାୟତସ୍ଥ ଚିରାମାରୁ କ୍ରିକେଟ କ୍ଲବ ଆନୁକୁଲ୍ୟରେ ଏକ କ୍ରିକେଟ ଟୁର୍ଣ୍ଣାମେଣ୍ଟ୍ ଅନୁଷ୍ଠିତ ହୋଇଯାଇଛି । ଆଜି ଦ୍ୱିତୀୟ ଦିନ ଖେଳରେ ତଳପାଥପୁର ସହିତ ବୋତଲମା କ୍ରିକେଟ ଟିମ୍ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ଏଥିରେ ବୋତଲମା ଦଳ ଟସ୍ ଜିଣି ବ୍ୟାଟିଂ କରି ନିର୍ଦ୍ଧାରିତ ଓଭରରେ ୯୨ରନ୍ ସଂଗ୍ରହ କରିଥିବା ବେଳେ ତଳପାଥପୁର ଦଳ ୧୦ଓଭରରେ ୫୪ରନ୍ ସଂଗ୍ରହ କରି ପରାଜିତ ହୋଇଥିଲେ ।
ବୋତଲମା ଦଳ ପକ୍ଷରୁ ଚନ୍ଦନ ୪ଓଭର ବୋଲିଂ କରି ୪ୱିକେଟ ଅକ୍ତିଆର କରି ମ୍ୟାନଅଫ୍ ଦି ମ୍ୟାଚ୍ ବିବେଚିତ ହୋଇଥିଲେ । ଅତିଥି ଭାବେ ଉତ୍କଳ ଶିକ୍ଷା ସଂସ୍ଥାନର ଶାଖା ନିର୍ଦ୍ଦେଶକ ଦେବୀଦତ୍ତ ବିଭୂତି ରାୟ ଓ ସାମ୍ବାଦିକ ଅନନ୍ତ ରଣା ଯୋଗଦାନ କରି ଖେଳାଳୀମାନଙ୍କୁ ଉତ୍ସାହିତ କରିବା ସହିତ ମ୍ୟାନ୍ ଅଫ୍ ଦି ମ୍ୟାଚ୍ ଟ୍ରଫି ପ୍ରଦାନ କରିଥିଲେ । ଏହି ପ୍ରତିଯୋଗିତାକୁ ମନୋରଞ୍ଜନ ବେହେରା ଓ ଅଜୟ ବେହେରା ପରିଚାଳନା କରିଥିବା ବେଳେ ବିଷ୍ଣୁଚରଣ ବେହେରା ଅତିଥିମାନଙ୍କୁ ସ୍ୱାଗତ କରିଥିଲେ ।
