0୨ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ପୁରୀ ସହରର ଜଣାଶୁଣା ବରିଷ୍ଠ ସାମ୍ବାଦିକ ରମେଶ ଚୌଧୁରୀଙ୍କ ପରଲୋକ ହୋଇଛି । ସେ ଭୁବନେଶ୍ବରର ଏକ ଘରୋଇ ମେଡିକାଲରେ ହୃଦଘାତ ଜନିତ ରୋଗର ଚିକିତ୍ସିତ ହେଉଥିବା ସମୟରେ ଗୁରୁବାର ସକାଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଭୁବନେଶ୍ବରରୁ ତାଙ୍କର ମରଶରୀର ପୁରୀ ଲୋକନାଥ ରୋଡ ସ୍ଥିତ ନିଜସ୍ବ ବାସଭବନକୁ ଆଣିବା ପରେ ଅନେକ ଶୁଭେଚ୍ଛୁ ଶେଷ ଦର୍ଶନ କରିଥିଲେ । ସେ ବିଭିନ୍ନ ସାପ୍ତାହିକ ଖବରକାଗଜର ସମ୍ପାଦକ ଭାବେ ଦକ୍ଷତାର ସହ କାର୍ଯ୍ୟ କରିଥିଲେ ।
ବିଶେଷକରି ପୁରୀ ସହରରେ ସମାଲୋଚନା ମୂଳକ ସାପ୍ତାହିକ ଖବରକାଗଜ ଯାଞ୍ଚ ଓ ଶ୍ରୀକ୍ଷେତ୍ର ଯାଞ୍ଚ ପାଇଁ ସେ ବେଶ ପରିଚିତ ଥିଲେ । ଏହା ସହ ସତ୍ଯ ସଂଘର୍ଷ ଓ ଜଗନ୍ନାଥ ଟାଇମସ ଖବରକାଗଜ ମଧ୍ଯ ସଂପାଦକ ଭାବେ କାର୍ଯ୍ୟ କରିଥିଲେ । ତାଙ୍କ ମରଶରୀରକୁ ସ୍ବର୍ଗଦ୍ବାର ନିଆଯାଇ ଶେଷକୃତ୍ୟ ସମ୍ପନ୍ନ କରାଯାଇଥିଲା । ତାଙ୍କର ଏକମାତ୍ର ପୁତ୍ର ଦିପ୍ତିରଞ୍ଜନ ଚୌଧୁରୀ ମୁଖାଗ୍ନି ଦେଇଥିଲେ । ସ୍ବର୍ଗଦ୍ବାର ଠାରେ ତାଙ୍କର ଦୁଇଝିଅ ରଞ୍ଜିତା ଚୌଧୁରୀ, ରଶ୍ମିତା ଚୌଧୁରୀ,ଜ୍ବାଇଁ ଆଶିଷ ମିଶ୍ର,
ହୃଦାନନ୍ଦ ମହାନ୍ତି, ଭାଇ ସୁର ,କାଳିଆ ,ପୁତୁରା ଗୁଡୁ, ନାତି ସାଇ,ନାତୁଣୀ ମିନୀ,ବୋହୁ ରାନୀ ଓ ଅଙ୍କିତାଙ୍କ ସମେତ ପରିବାର,ବନ୍ଧୁବାନ୍ଧବ,ଆତ୍ମିୟସ୍ବଜନ ଉପସ୍ଥିତ ଥିଲେ । ପୂର୍ବତନ ବିଧାୟକ ଜୟନ୍ତ କୁମାର ଷଡଙ୍ଗୀ, ବିଜେପି ନେତା କୃଷ୍ଣଚନ୍ଦ୍ର ପଣ୍ଡା, ବରିଷ୍ଠ ସାମ୍ବାଦିକ ଅନନ୍ତ ମିଶ୍ର, ପ୍ରମୋଦ ଦାଶ, ଅନିମେଶ ପଟ୍ଟନାୟକ, ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ଯାଳୟର ଅଧିକାରୀଙ୍କ ସମେତ ବହୁ ସାମ୍ବାଦିକ, ବୁଦ୍ଧିଜୀବୀ, ସମାଜସେବୀ, ସାହି ବାସିନ୍ଦାମାନେ ଶେଷ ଦର୍ଶନ ଦର୍ଶନ କରିଥିଲେ । ଏହି ଦୁଖଃଦ ଖବର ସହରରେ ପ୍ରଚାରିତ ହେବା ପରେ ଶୋକର ଛାୟା ଖେଳିଯାଇଛି ।
