0୨ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଲୁଗାଁ :-> ବୁଧବାର ଅପରାହ୍ନରେ ବାଲୁଗାଁ ପୋଲିସ ଚଢ଼ାଉ କରି ବେଆଇନ ଭାବେ ଚାଲାଣ ହେଉଥିବା ମାଙ୍କଡା ପଥର ବୋଝଇ ଟ୍ରକକୁ ଜବତ କରିଛନ୍ତି l ତେବେ ସମ୍ପୃକ୍ତ ଡ୍ରାଇଭର ଫେରାର ହୋଇଯାଇଥିବା ଜଣାଯାଇଛି l ବାଲୁଗାଁ ଥାନାରେ ଏ ନେଇ ୦୧/ ୨୫ ରେ ଏକ ମାମଲା ରୁଜୁ ହୋଇଛି l ପ୍ରକାଶ ଯେ, ପ୍ରତ୍ୟହ ବେଆଇନ ଭାବେ ମାଙ୍କଡା ଚୋରା ଚାଲାଣ ହେଉଥିବା ନେଇ ପ୍ରଶାସନ ନିକଟରେ ଅଭିଯୋଗ ହେଉଥିଲା l ଏହି ପରିପ୍ରେକ୍ଷୀରେ ବାଲୁଗାଁ ଥାନା ଆଇଆଇସି ଜୟ ପ୍ରକାଶ ପରିଡାଙ୍କ ତତ୍ୱାବଧାନରେ ଏକ ଟିମ ଚୋରା ମାଙ୍କଡା ପଥର ଚାଲାଣକାରୀଙ୍କ ଉପରେ କଡା ନଜର ରଖିଥିଲେ l
ବୁଧବାର ଅପରାହ୍ନ ପ୍ରାୟ ୪ ଘଟିକା ସମୟରେ ବେଆଇନ ଚାଲାଣ ହେଉଥିବା ଓଡ଼ି ୦୨ଡବ୍ଲୁ ୦୧୩୦ ନମ୍ବର ବିଶିଷ୍ଟ ଏକ ମାଙ୍କଡା ବୋଝେଇ ଟ୍ରକକୁ ପାଟ୍ରୋଲିଂ ଟିମ ନାଭାଲ ଛକ ନିକଟରେ ଧରିଥିଲେ l ଗତ ୨୪ ତାରିଖରେ ପାଟ୍ରୋଲିଂ ଟିମ ଚଢ଼ାଉ କରି ୪ ଗୋଟି ପଥର ବୋଝଇ ଟ୍ରକ କୁ ଜବତ କରିବା ସହ ସମ୍ପୃକ୍ତ ୪ ଜଣ ଡ୍ରାଇଭରଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ l ଏହିପରି ଚଢ଼ାଉ ଅଭିଯାନ ଜାରି ରହିବ ବୋଲି ଆଇଆଇସି ପରିଡା ସୂଚନା ଦେଇଛନ୍ତି l
