0୨ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ପାଟକୁରା :-> କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ ତଳକୁସୁମା ଗ୍ରାମପଞ୍ଚାୟତ ଚାରିଛକଠାରେ ବିଜେପି ପକ୍ଷରୁ ନୂଆବର୍ଷ ଉପଲକ୍ଷେ ଏକ ତୋରଣ ନିର୍ମାଣ କରାଯାଇଥିଲା l ଏଥିରେ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ, କେନ୍ଦ୍ରାପଡ଼ା ସାଂସଦଙ୍କ ଓ ବିଜେପି ରାଜ୍ୟ ପ୍ରବକ୍ତା ଶ୍ରୀ ତେଜେଶ୍ୱର ପରିଡାଙ୍କ ଫଟୋ ଓ ନୂଆ ବର୍ଷ ଅଭିନନ୍ଦନ ବାର୍ତା ରହିଥିଲା l ତେବେ କେହି ଦୁର୍ବୁତ୍ତ ଏହି ତୋରଣକୁ ଗତ ରାତିରେ ପୋଡି ଦେଇ ଥିବାରୁ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି l
ବିଜେପିର ତଳକୁସୁମl ପଂଚାୟତ ପ୍ରମୁଖ ପ୍ରଶାନ୍ତ ସ୍ୱାଇଁ କୁଦାନଗରୀ ଥାନାରେ ଲିଖିତ ଅଭିଯୋଗ କରିଥିବା ବେଳେ ତେନ୍ତଳ ଗ୍ରାମର ମାଧବାନନ୍ଦ ମହାପାତ୍ର ମଧ୍ୟ ଏହା ନେଇ ଆଉ ଏକ ଏତଲା ଦେଇଛନ୍ତି l ଶ୍ରୀ ମହାପାତ୍ର ତାଙ୍କ ଏତଲାରେ ଦର୍ଶାଇଛନ୍ତି ଯେ ଗତ ରାତି ପ୍ରାୟ 10:30ରେ ସେ ଚାରି ଛକ ବାଟେ ଘରକୁ ଫେରୁଥିବାବେଳେ ସେ ଚିହ୍ନି ଥିବା ଚାରି ପାଞ୍ଚ ଜଣ ଦୁର୍ବୁତ୍ତ ତୋରଣରେ ପେଟ୍ରୋଲ ଜାଳି ନିଆଁ ଲଗାଉଥିଲେ l ସେ ଏହାର ପତ୍ରିବାଦ କରିବାରୁ ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗେଇବାକୁ ସେମାନେ ଉଦ୍ୟମ କରିଥିଲେ l
ତେବେ ସେ କୌଶଳ କର୍ମେ ସେଠାରୁ ଖସି ଆସିଥିଲେ l ସମ୍ପୃକ୍ତ ଦୁର୍ବୁତ୍ତ ମାନଙ୍କ ନାମ ମଧ୍ୟ ସେ ଏତଲାରେ ଉଲେଖ କରିଛନ୍ତି l ତେବେ ପୋଲିସ ତାଙ୍କ ଏତଲା ଉପରେ କୌଣସି ମାମଲା ରୁଜୁ ନକରି କେବଳ ପ୍ରଶାନ୍ତ ସ୍ୱାଇଁ ଏତଲା ଉପରେ ମାମଲା ରୁଜୁ କରିଛି l ପୋଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଥିବା ବେଳେ କାହାରିକୁ ଗିରଫ କରା ଯାଇ ନାହିଁ l ପୋଲିସର ଶିଥିଳ କର୍ୟାନୁଷ୍ଠାନକୁ ନେଇ ବିଜେପି କର୍ମୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି l
