ରାଜଧାନୀରେ ନକଲି ସିମେଣ୍ଟ କାରଖାନା ଠାବ : କାରଖାନା ମାଲିକଙ୍କୁ ଅଟକ

ଭୁବନେଶ୍ବର ଟଙ୍କପାଣି ରୋଡ଼ରେ ଥିବା ମା କନକ ଦୁର୍ଗା ସିମେଣ୍ଟ ଷ୍ଟୋର ଉପରେ ଚଢାଉ ବେଳେ ମିଳିଥିଲା ପାଖାପାଖି ୫୦୦ ବସ୍ତା ସିମେଣ୍ଟ ।

0୨ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ଭୁବନେଶ୍ୱରରୁ ନକଲି ସିମେଣ୍ଟ କାରଖାନା ଠାବ କରାଯାଇଛି । ନାମୀଦାମୀ କମ୍ପାନୀର ପ୍ୟାକେଟକୁ ବ୍ୟବହାର କରି ଏହି କାରବାର ଚାଲିଥିଲା । ଖବର ପାଇବା ପରେ ନକଲି ସିମେଣ୍ଟ କାରଖାନାରେ ରେଡ କରିଥିଲା ବଡଗଡ଼ ଥାନା ପୋଲିସ । ଭୁବନେଶ୍ୱର ନୁହେଁ ଭୁବନେଶ୍ୱର ବାହାରକୁ ମଧ୍ୟ ଏହା ଚାଲାଣ ହେଉଥିବା ଜଣାପଡିଛି ।

ଭୁବନେଶ୍ବର ଟଙ୍କପାଣି ରୋଡ଼ରେ ଥିବା ମା କନକ ଦୁର୍ଗା ସିମେଣ୍ଟ ଷ୍ଟୋର ଉପରେ ଚଢାଉ ବେଳେ ମିଳିଥିଲା ପାଖାପାଖି ୫୦୦ ବସ୍ତା ସିମେଣ୍ଟ । ଏହି ନକଲି ସିମେଣ୍ଟରେ ପାଉଁଶ ଏବଂ ବାଲି ମିଶୁଥିଲା ବେଳେ ବସ୍ତା ପିଛା ୨୦୦ ଟଙ୍କା କମରେ ବିକ୍ରି ହେଉଥିଲା । ଖବର ପାଇ କାରଖାନାରେ ବଡଗଡ ଥାନା ପୁଲିସ ଚଢାଉ କରି ବସ୍ତା ବସ୍ତା ନକଲି ସିମେଣ୍ଟ ଜବତ କରିଛି । ତେବେ ଏହି ଘଟଣାରେ କାରଖାନା ମାଲିକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।