୩୧ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ :-> ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ଅନ୍ତର୍ଗତ ଶ୍ରୀ ରାଧାମାଧବ ସଂସ୍କୃତ ମହାବିଦ୍ୟାଳୟ, ଦେଉଳି ଠାରେ ଜାତୀୟ ସେବା ଶିବିର ଯୋଜନା ଓ ରାଜ୍ୟ ରକ୍ତ ସଂଚାରଣ ପରିଷଦର ମିଳିତ ଆନୁକୂଲ୍ୟରେ ସୋମବାରଦିନ ଏକ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିରକୁ ବେଗୁନିଆ ବୋଲଗଡ଼ ବିଧାୟକ ପ୍ରଦୀପ କୁମାର ସାହୁ ଅନୁଷ୍ଠାନିକ ଉଦ୍ଘାଟନ କରିଥିବା ବେଳେ , କଲେଜର ପ୍ରତିଷ୍ଠାତା ଭାଗିରଥି ସାହୁ, କଲେଜ ଅଧ୍ୟକ୍ଷ ବଟକୃଷ୍ଣ ସାହୁ,ସଂଯୋଜକ ପ୍ରଦୀପ ସାହୁ, ଡ଼ଃ ଦୈତାରୀ ଦାସ, ମାଧବ ମହାରଣା, ଡ଼ଃ ଆହୁତି ରଥ, ସସ୍ମିତା ମିଶ୍ର, ଉତ୍ତମ କୁମାର ବେହେରା, ବ୍ରହ୍ମାନନ୍ଦ ନାୟକ, କେଶବ ଚନ୍ଦ୍ର ଜୟସିଂହ,
ନିରଞ୍ଜନ ମହାପାତ୍ର, ନୃସିଂହ ମୁଦୁଲି, ବିକ୍ରମ କେଶରୀ ସାମନ୍ତରାୟଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା । ଛାତ୍ର ଛାତ୍ରୀ,କଲେଜ ପ୍ରଶାସନର ଉଦ୍ୟମ ଓ ଖୋର୍ଦ୍ଧା ବ୍ଲଡ଼ ବ୍ୟାଙ୍କ ଦ୍ୱାରା ୩୬ ୟୁନିଟ ରକ୍ତ ସଂଗୃହୀତ ହୋଇଥିଲା । ଏହି ଶିବିରକୁ ଅଧ୍ୟାପକ ପ୍ରଦୀପ ସାହୁ ସଂଯୋଜନା କରିଥିଲେ ।ବିଧାୟକ ଶ୍ରୀ ସାହୁ କହିଛନ୍ତି ରକ୍ତଦାନ ମହାପୁଣ୍ୟ l ଆଜି ଏହି ମହାବିଦ୍ୟାଳୟରୁ ଛାତ୍ରଛାତ୍ରୀମାନଙ୍କ ଠାରୁ ସଂଗୃହୀତ ହୋଇଥିବା ରକ୍ତ ଆଗାମୀ ଦିନରେ ଅନେକ ଲୋକଙ୍କ ରକ୍ତାଭାବ ଦୂର କରିବ ବୋଲି କହିଥିଲେ l ସମସ୍ତ ଛାତ୍ରଛାତ୍ରୀମାନଙ୍କ ଦ୍ଵାରା ଏକ ସୁସ୍ଥ, ସ୍ୱଚ୍ଛ ଓ ସବୁଜ ସମାଜ ଗଠନ ପାଇଁ ପରାମର୍ଶ ଦେଇଥିଲେ l ସଂଯୋଜକ ପ୍ରଦୀପ ସାହୁ ସମସ୍ତ ରକ୍ତଦାତାଙ୍କୁ ଧନ୍ୟବାଦ ଦେଇଥିଲେ l
