୩୦ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ଗୁଜରାଟ ରାଜ୍ୟର ସୁରତ ଠାରେ ଅନୁଷ୍ଠିତ ହୋଇଥିବା ଜାତୀୟ ସ୍ତରୀୟ ଜିମ୍ନାଷ୍ଟିକ୍ ପ୍ରତିଯୋଗିତାରେ ଓଡିଶା ଦଳ ଭାଗ ନେଇ ଚମ୍ପିୟାନ ହେଇଛି । ଓଡ଼ିଶା ଦଳରେ ପୁରୀ ଜିଲ୍ଲା ସ୍କୁଲ୍ ରୁ ୬ ଜଣ ଖେଳାଳୀ ଅଂଶଗ୍ରହଣ କରିଥିଲେ । ସେମାନଙ୍କ ମଧ୍ୟରେ ସିନିଅର ବିଭାଗରୁ ପ୍ରୀତି ରେଡ୍ଡୀ ଅନିଭିନ୍ ବାର୍ ରେ ଭାଗ ନେଇ ଫାଇନାଲ ରେ ପ୍ରବେଶ କରିବା ସହ ଦଳଗତ କାଂସ୍ୟ ପଦକ ହାସଲ କରିଛନ୍ତି । ସେହିପରି ଜୁନିଅର ବିଭାଗରେ ପୁରୀ ଜିଲ୍ଲା ସ୍କୁଲ୍ ରୁ ଅକସରା ବେହୁରା ଓ ଦନଲକ୍ଷ୍ମୀ ରାଓ ଅଂଶଗ୍ରହଣ କରି ଦଳଗତ ସ୍ଵର୍ଣ୍ଣପଦକ ଲାଭ କରିବା ସହ ବ୍ୟକ୍ତିଗତ ରୂପେ ଦନଲକ୍ଷ୍ମୀ ରୈ।ପ୍ଯପଦକ ପ୍ରାପ୍ତ କରିବାରେ ସମର୍ଥ ହୋଇଛନ୍ତି ।
ସବ୍ ଜୁନିଅର ବିଭାଗରେ ଭୂମିକା ରେଡ୍ଡୀ , ଖୁସି ରେଡ୍ଡୀ ଓ ଐଶ୍ୱର୍ଯ୍ୟା ଭଟ୍ଟାଚାର୍ଯ୍ୟ ଅଂଶଗ୍ରହଣ କରିଥିବା ବେଳେ ଭୂମିକା ରେଡ୍ଡୀ ବିମ୍ ଓ ଫ୍ଲୋର ଇଭେଣ୍ଟର ଫାଇନାଲରେ ପ୍ରବେଶ କରି ଯଥାକ୍ରମେ ଚତୁର୍ଥ ଓ ପଞ୍ଚମ ସ୍ଥାନ ଅଧିକାର କରି ପୁରୀ ଜିଲ୍ଲା ଓ ରାଜ୍ୟକୁ ଗୈାରବାନ୍ବିତ କରିପାରିଛନ୍ତି । ପୁରୀ ଜିଲ୍ଲା ସ୍କୁଲ୍ ର ପ୍ରଧାନ ଶିକ୍ଷକ ଜ୍ୟୋତିର୍ମୟୀ ମିଶ୍ରଙ୍କ ସହଯୋଗ ଓ ଶାରୀରିକ ଶିକ୍ଷା ଶିକ୍ଷକ ତଥା ଜିମ୍ନାଷ୍ଟିକ୍ ପ୍ରଶିକ୍ଷକ ଶ୍ରୀ ରଞ୍ଜନ ରେଡ୍ଡୀ ଙ୍କ ଉଚ୍ଚ କୋଟୀର ପ୍ରଶିକ୍ଷଣ ଓ ଅବଦାନ ଯୋଗୁଁ ଏହା ସମ୍ଭବପର ହୋଇପାରିଛି । ଆଜି ଖେଳାଳି ମାନେ ପୁରୀରେ ପହଁଞ୍ଚିବା ପରେ ଷ୍ଟେସନ ଠାରେ ଓ ଜିଲ୍ଲା ସ୍କୁଲ୍ ପରିସର ମଧ୍ୟରେ ପ୍ରଧାନ ଶିକ୍ଷକ ଜ୍ୟୋତିର୍ମୟୀ ମିଶ୍ର, ବିଦ୍ୟାଧର ମିଶ୍ର, ଅରୁଣ କୁମାର ଭଟ୍ଟାଚାର୍ଯ୍ୟ, ଗୋପାଳ ଚନ୍ଦ୍ର ପରିଡ଼ା ପ୍ରଭୃତି ଶିକ୍ଷକ, ଶ୍ରୀ ସତ୍ୟବ୍ରତ ଷଡ଼ଙ୍ଗୀ,
ମଧୁସୂଦନ ରାୟ , ବିଷ୍ଣୁ ଶ୍ରେଷ୍ଠ , ଜଗବନ୍ଧୁ ସାହୁ , ଜିତେନ୍ଦ୍ର ବେହେରା, ଶେଫାଳୀ ପତି, ଗାୟତ୍ରୀ ସେଠୀ, ଲକ୍ଷ୍ମଣ ସିଂଙ୍କୁ, ଦେବଦତ୍ତ ମିଶ୍ର, ଗୈ।ତମ ନାୟକ ଓ ଦୀପକ ଗୋୟଲ ଆଦି ବିଭିନ୍ନ କ୍ରୀଡ଼ା ପ୍ରଶିକ୍ଷକ ତଥା ୩୦୦ ରୁ ଊର୍ଦ୍ଧ୍ବ ଖେଳାଳି ମାନଙ୍କ ଦ୍ବାରା ପୁଷ୍ପଗୁଚ୍ଛ ଓ ପୁଷ୍ପମାଳ ପ୍ରଦାନ ପୂର୍ବକ ସେମାନଙ୍କୁ ଭବ୍ୟ ସ୍ଵାଗତ କରାଯାଇଥିଲା । ଏତଦବ୍ୟତୀତ କ୍ରୀଡ଼ା କ୍ଷେତ୍ରରେ ଜିଲ୍ଲା ତଥା ରାଜ୍ୟର ଗୈାରବ ବୃଦ୍ଧି କରିଥିବା ଏହି ଖେଳାଳି ମାନଙ୍କୁ ଓଡ଼ିଶା ରାଜ୍ୟ ଜିମ୍ନାଷ୍ଟିକ୍ ଆସୋସିଏସନ୍ ର ସମ୍ପାଦକ ଅଶୋକ କୁମାର ସାହୁ, ପୁରୀ ଜିଲ୍ଲା କ୍ରୀଡ଼ା ଅଧିକାରୀ ଚନ୍ଦନ କୁମାର ସାହୁ, ପୁରୀ ଜିଲ୍ଲା ସ୍କୁଲ୍ ଆଲୁମିନି ଆସୋସିଏସନ୍ ର ସଭାପତି ରାଜକିଶୋର ପାତ୍ର, ସମ୍ପାଦକ ରବୀନ୍ଦ୍ର କୁମାର ସାହୁ, ଓଡ଼ିଶା ଅଲମ୍ପିକ୍ସ ଆସୋସିଏସନ୍ ର କୋଷାଧ୍ୟକ୍ଷ ରବି ଶଙ୍କର ପ୍ରତିହାରୀ ଓ ଜିଲ୍ଲା ସ୍କୁଲ୍ ପରିଚାଳନା କମିଟି ର ସଭାପତି ସୁଧାଂଶୁ ଶେଖର ରାୟ ପ୍ରଭୃତି ମାନ୍ୟଗଣ୍ୟ ବରେଣ୍ୟ ବ୍ୟକ୍ତିତ୍ଵ ସ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି ।
