୨୭ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ଼ :-> ବୋଲଗଡ଼ ବ୍ଲକ ସଂପୁର ଗ୍ରାମର ବାଲୁଙ୍କେଶ୍ୱର ରାଇଜିଙ୍ଗଷ୍ଟାର କ୍ରିକେଟ କ୍ଳବ୍ ଆନୁକୁଲ୍ୟରେ ଟାଙ୍ଗୀ ପଡ଼ିଆଠାରେ ଆୟୋଜିତ ଚତୁର୍ଦ୍ଧଶତମ ଲକ୍ଷ୍ମୀଧର ସ୍ମାରକୀ କ୍ରିକେଟ ଟୁର୍ଣାମେଣ୍ଟର ଶୁକ୍ରବାର ଷଷ୍ଠ ଲିଗ ମ୍ୟାଚ ଅନୁଷ୍ଠିତ ହୋଇଯାଇଛି।ଏହି ମ୍ୟାଚରେ ଏମ.କେ.ସି.ସି, ଘୋରଡିଆ ଓ ବି.ସି.ସି, ଲୋଧାଚୁଆ ମଧ୍ୟରେ ମୁକାବିଲା ହୋଇଥିଲା।ଘୋରଡିଆ ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ ନିର୍ଦ୍ଧାରିତ ୧୯.୨ ଓଭର ଖେଳି ସମସ୍ତ ଉଇକେଟ ବିନିମୟରେ ୧୦୪ ରନ ସଂଗ୍ରହ କରିଥିଲା । ଏହାର ଜବାବରେ ଲୋଧଚୁଆ ଦଳ ୧୯.୨ ଓଭର ଖେଳି ୯୨ r ରନ କରି ସମସ୍ତ ଉଇକେଟ ହରାଇ ପରାଜିତ ହୋଇଥିଲା ।
ଏହି ମ୍ୟାଚଟିକୁ ପିଣ୍ଟୁଆ ପ୍ରଧାନ ଓ ନିବାସୀ ପତ୍ର ପରିଚାଳନା କରିଥିଲେ।ଆଜିର ମ୍ୟାଚ୍ରରେ ମୁଖ୍ୟଅତିଥି ଅତିଥି ଭାବେ ସମାଜସେବୀ ତଥା ଶିଳ୍ପପତି ଶିବନାରାୟଣ ମିଶ୍ର, ସନ୍ନମାନୀତ ଅତିଥି ସାମ୍ବାଦିକ ଦେବବ୍ରତ ହୋତା ଓଡ଼ିଶା ଉଦ୍ୟୋଗୀ ପରିବାର ସଦସ୍ୟ ଯୁବ ଶିଳ୍ପୋଦ୍ୟୋଗୀ ଜିତେନ୍ଦ୍ର କୁମାର ପ୍ରଧାନ ଓ ଜ୍ୟୋତି ରଞ୍ଜନ ସାହୁ ପ୍ରମୁଖ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ । ଆୟୋଜକ କ୍ଳବ୍ ସଭାପତି ନିରଞ୍ଜନ ନାୟକଙ୍କ ସମେତ ସଦସ୍ୟ ବାଘା,ସାଗର, ବିକାଶ,ବାବାଲି,ଗୌର ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ। ଶନିବାର ପ୍ରଥମ କ୍ୱାର୍ଟର ଫାଇନାଲରେ ଠଣାପଲ୍ଲୀ ଓ ଖଳିସାହି ଦଳ ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ବୋଲି ମୁଖ୍ୟ ପରିଚାଳକ ଶାନ୍ତନୁ ଛୋଟରାୟ ସୂଚନା ପ୍ରଦାନ କରିଛନ୍ତି ।
