୨୭ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଣପୁର ବ୍ଲକ :-> ବିଜୁଜନତା ଦଳ ପକ୍ଷରୁ ଦଳର ୨୮ତମ ପ୍ରତିଷ୍ଠା ଦିବସ ପାଳନ କରାଯାଇଛି। ଜିଲ୍ଲାପରିଷଦ ଉପାଧ୍ୟକ୍ଷ ଗୋପିନାଥ ମହାରଣାଙ୍କ ନେତୃତ୍ବରେ ଦଳର କର୍ମୀମାନେ ବିଜୁ ପଟ୍ଟନାୟକ ଅମର ରହେ ଓ ବିଜେଡିର ବିଭିନ୍ନ ଜନହିତକର ଯୋଜନାର ସ୍ଳୋଗାନ ଦେଇ ବଜାର ପରିକ୍ରମା କରି ମେଡିକାଲ ଛକ ସ୍ଥିତ ପ୍ରବାଦପୁରୁଷ ବିଜୁପଟ୍ଟନାୟକଙ୍କ ପ୍ରତ୍ତିମୂର୍ତ୍ତିରେ ପୁଷ୍ପମାଳ ପ୍ରଦାନ କରିଥିଲେ। । ଜିଲ୍ଲାପରିଷଦ ଉପାଧ୍ୟକ୍ଷ ଗୋପିନାଥ ମହାରଣା ଉଦବୋଧନ ଦେଇ ବିଜେଡି ୧୯୯୭ ମସିହା ଡିସେମ୍ବର ୨୬ ତାରିଖରେ ଗଠନ ହୋଇ ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶାକୁ ୨୫ ବର୍ଷ ଧରି ଏକ ନିରବିଚ୍ଛିନ୍ନ ସେବା ଯୋଗାଇ ଦେଇଛି । 
ଆଜିର ପ୍ରଗତିଶୀଳ ଓ ସମୃଦ୍ଧ ଓଡିଶା ଗଠନରେ ନବୀନ ପଟ୍ଟନାୟକଙ୍କ ଭୂମିକା ଅନ୍ଯତମ । ସ୍ବର୍ଗତ ପ୍ରବାଦପୁରୁଷ ବିଜୁବାବୁଙ୍କ ସ୍ବପ୍ନର ଓଡିଶା ଗଠନ ପାଇଁ ବିଜେଡିର ପ୍ରତ୍ୟେକ କର୍ମକର୍ତ୍ତା କାର୍ଯ୍ଯରତ । ଆମେ ସମସ୍ତେ ଏକ ହୋଇ ଚିଲିକା ନିର୍ବାଚନମଣ୍ଡଳୀରେ ବିଜେଡିର ସଙ୍ଗଠନକୁ ସୁଦୃଢ କରିବା ବୋଲି ବକ୍ତବ୍ଯ ରଖିଥିଲେ ।
ଆଜି ବିଜୁ ଜନତାଦଳ ଏକ ପ୍ରମୁଖ ବିରୋଧିଦଳ ଭାବେ କାର୍ଯ୍ୟରତ ଏଣୁ ଆମକୁ ଅଧିକ ସଜାଗ ହୋଇ କାର୍ଯ୍ଯ କରିବାକୁ ପଡିବ ବୋଲି କର୍ମୀମାନେ କହିଥିଲେ । ଅନ୍ୟମାନଙ୍କ ମଧରେ ବ୍ଲକ ଉପସଭାପତି ଯଦୁ ପ୍ରଧାନ, ନିରଜ୍ଞନ ପ୍ରଧାନ, ଚିତ୍ତରଂଜନ ସାମନ୍ତରାୟ ,ସୂଯ୍ଯକାନ୍ତ ରଣସିଂହ, ଲୁଲୁ ବସ୍ତି, ଆକାଶ ପ୍ରଧାନ ,କୁଳମଣି ଦାସ ,ବସନ୍ତ ବରାଳ ,ସଜ୍ଞୟ ସାହୁ ,ରାଜା ବିଶୋଇ, କୈଳାସ ମୁଦୁଲି ,ଗଗନ ଦାସ , ଦୁଖିଶ୍ଯାମ ପରିଡା, ସୁଜିତ ଛାଟୋଇ ପ୍ରମୁଖ ଉପସ୍ଥିତ ଥିଲେ ।
