୨୬ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ହିଞ୍ଜିଳିକାଟୁ :-> ହିଞ୍ଜିଳିକାଟୁ ପୌରାଞ୍ଚଳ ସ୍ଥିତ ପୁରାତନ ଶିଶୁ ଶିକ୍ଷାନୁଷ୍ଠାନ ଧରିତ୍ରୀ ପ୍ଲେ ସ୍କୁଲ୍ ର ୧୧ତମ ବାର୍ଷିକୋତ୍ସବ ବୁଧବାର ଲକ୍ଷ୍ମୀ ନୃସିଂହ କଳା ମନ୍ଦିର ପରିସରରେ ଏକ ମନୋଜ୍ଞ ବାତାବରଣ ମଧ୍ୟରେ ଅନୁଷ୍ଠିତ ହୋଇଛି। ଅଧ୍ୟକ୍ଷ ଶିବପ୍ରସ୍ନ ପାଠୀଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଖେମୁଣ୍ଡି ମହାବିଦ୍ୟାଳୟର ପ୍ରାଧ୍ୟାପିକା ଡ଼ଃ ସି.ଏଚ ସାନ୍ତା କୁମାରୀ ଓ ବ୍ରହ୍ମପୁର ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷା ଡ଼ଃ ନର୍ମଦା ରଥ ପ୍ରମୁଖ ମଞ୍ଚସିନ ଥିଲେ ।
ଏହି ଅବସରରେ ଅତିଥି ବୃନ୍ଦ ଛାତ୍ର ଓ ଛାତ୍ରୀଙ୍କ ପ୍ରାଥମିକ ଶିକ୍ଷାର ଗୁରୁତ୍ବ,ଉଜ୍ଜ୍ୱଳ ଭବିଷ୍ୟତ ନିର୍ମାଣ, ସଂସ୍କାର ଓ ସକାରାତ୍ମକ ମନୋଭାବ ପୋଷଣ କରି ବିଦ୍ୟାଳୟ, ଅଭିଭାବକ ଓ ଅଞ୍ଚଳର ଟେକ ରଖିବା ପାଇଁ ଉଦ୍ୟମ ଜାରି ରଖିବା ପାଇଁ ମୂଲ୍ୟବାନ ପରାମର୍ଶ ଦେଇଥିଲେ। ପରେ ଅତିଥି ବୃନ୍ଦ କ୍ରୀଡ଼ା,ପ୍ରବନ୍ଧ,ବତ୍କୃତା,ଜାତୀୟ ସଙ୍ଗୀତ ପ୍ରତିଯୋଗିତାରେ ଶ୍ରେଷ୍ଠ ପ୍ରତିଯୋଗୀ ମାନଙ୍କୁ ମାନପତ୍ର ଓ କପ୍ ପ୍ରଦାନ କରି ସମ୍ମାନିତ କରିଥିଲେ। ଶିକ୍ଷୟିତ୍ରୀ ପ୍ରିୟଙ୍କା ପାଢ଼ୀ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ବରିଷ୍ଠ ସ୍ତ୍ରୀ ଓ ପ୍ରସୂତି ଡାକ୍ତର ମାଧବ କୁମାର ସାହୁ, ସନ୍ତୋଷ କୁମାର ପାଣିଗ୍ରାହୀ, ସଞ୍ଜୀବ କୁମାର ସାବତ, ଅନିଲ କୁମାର ସାବତଙ୍କ ସମେତ ସମସ୍ତ ଅଭିଭାବକ ଓ କର୍ମଚାରୀ ଉପସ୍ଥିତ ଥିଲେ ।
