୨୫ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ପୁରୀ ଜିଲ୍ଲା ପ୍ରଶାସନ ଓ ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ପକ୍ଷରୁ ସଂସ୍କୃତି ଭବନ ଠାରେ ପୂର୍ବତନ ପ୍ରଧାନମନ୍ତ୍ରୀ ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କ ଜୟନ୍ତୀ ଓ ସୁଶାସନ ଦିବସ ପାଳନ ଉପଲକ୍ଷେ ଦେଶାତ୍ମକବୋଧ , ଆଧ୍ୟାତ୍ମିକ ଓ ଜୀବନ ଦର୍ଶନ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମକୁ ସୂଚନା ଓ ଲୋକସମ୍ପର୍କ ବିଭାଗର ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ ଉଦଘାଟନ କରିଥିବା ବେଳେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶରତ କୁମାର ବେହେରା ଓ ସମ୍ମାନିତ ଅତିଥି ଭାବେ ପୌର ନିର୍ବାହୀ ଅଧିକାରୀ ଅଭିମନ୍ୟୁ ବେହେରା ଯୋଗ ଦେଇଥିଲେ ।
ଏହି କବିତା ପାଠୋତ୍ସବରେ କୃଷ୍ଣ ଚନ୍ଦ୍ର ରଥ , ଜ୍ୟୋତିର୍ବିଦ ମିନକେତନ ପଟ୍ଟଯୋଶୀ , ଯୋଗେଶ୍ୱର ପ୍ରହରାଜ, ଡଃ ରାନୁ ମିଶ୍ର , ଲକ୍ଷ୍ମୀନାରାୟଣ ପଟ୍ଟନାୟକ , ମିନତି ମିଶ୍ର , ଚନ୍ଦ୍ରମଣି ଦାଶ , ତୃପ୍ତିମୟୀ ପଟ୍ଟଯୋଶୀ, ପୋୖଣମାସୀ ଦେବୀ, ପ୍ରତିମା ନାୟକ , ପ୍ରଭାତୀ ଦାଶ, ଭାଗ୍ୟଶ୍ରୀ ସେଠୀ ଓ ଅଜୟ କୁମାର ସେଠୀ ପ୍ରମୁଖ ନିଜ ନିଜ ସ୍ବରଚିତ କବିତା ଗାନ କରିଥିଲେ । ଏହି କବିତା ପାଠଚକ୍ରକୁ ସଞ୍ଚାଳନ କରିଥିଲେ ଡଃ ସସ୍ମିତା ମିଶ୍ର ଓ ବିପିନ ଦଳାଇ ।
