ମୁଖ୍ୟଅତିଥିଭାବେ ଭାବେ ବରିଷ୍ଠ ଗୀତିକବି ଡକ୍ଟର ଅଲେଖଚନ୍ଦ୍ର ପଢିହାରୀ ଯୋଗଦେଇ ଓଡ଼ିଶାର ମାତୃଭାଷା ଓଡ଼ିଆ; ତେଣୁ ଆମ ‘ଓଡ଼ିଆ ଭାଷା ସାହିତ୍ୟ ଅସ୍ମିତା ସହ ଅଙ୍ଗାଅଙ୍ଗ ଭାବେ ଜଡିତ’ ବୋଲି କହିଥିଲେ । ମୁଖ୍ୟବକ୍ତା ଭାବେ କିଟ୍ ବିଶ୍ବବିଦ୍ୟାଳୟର ଭାଷା ଓ ସଂସ୍କୃତିବିଭାଗର ନିର୍ଦେଶକ ତଥା ବରିଷ୍ଠ କବି ରକ୍ଷକ ନାୟକ ଯୋଗଦେଇ ଓଡ଼ିଆ ଭାଷା ସାହିତ୍ୟ ଅଗ୍ରଗତି କରାଇବାରେ ଆମ ସମସ୍ତଙ୍କର ଦାୟିତ୍ଵ ରହିବା ଉଚିତ ବୋଲି କହିଥିଲା ବେଳେ ସମ୍ମାନିତ ଅତିଥିଭାବେ କେନ୍ଦ୍ରସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ ଯୁବସାହିତ୍ୟକ ଡକ୍ଟର ଚନ୍ଦ୍ରଶେଖର ହୋତା ସାହିତ୍ୟ ରଚନା ଲାଗି ଯୁବପିଢୀଙ୍କୁ ଉତ୍ସାହିତ କରିଥିଲେ ।
ସଂପାଦକ ପଣ୍ଡିତ ଡକ୍ଟର ସୂର୍ଯ୍ୟମଣି ଘଂଟିଆ ବାର୍ଷିକ ବିବରଣି ପ୍ରାଦନ କରିଥିଲାବେଳେ କାର୍ଯ୍ୟକାରୀ ସଂପାଦକ ଦୟାନିଧୂ ନାୟକ ଅତିଥପରିଚୟ ଓ ସାଂସ୍କୃତିକ ସଂପାଦକ ବାଇଧର ମାଝୀ ସ୍ଵାଗତ ଭାଷଣ ଦେଇଥିଲେ । ପ୍ରାଧ୍ୟାପକ ଅକ୍ଷୟ କୁମାର ମହାନ୍ତି ଓ ଡକ୍ଟର ଗୀତାଶ୍ରୀ ପ୍ରିୟମ୍ବଦା ମଂଚ ପରିଚାଳନା କରିଥିଲେ । ଅନୁଷ୍ଠିତ ସମାବର୍ତନ ଉତ୍ସବରେ ‘କୋରାଇ ମହୋତ୍ସବ ସମ୍ମାନ’ ଅଂଚଳର ବରିଷ୍ଠ ରାଜନେତା ତଥା ସାରସ୍ଵତ ସାଧକ ଡକ୍ଟର ରାମଚନ୍ଦ୍ର ପୁଂଟିଆଙ୍କୁ ପ୍ରଦାନ କରାଯାଇଥିଲା ବେଳେ ସଂସଦର ମର୍ଯ୍ୟଦା ଜନକ କସ୍ତୁରୀ ପୁରସ୍କାର ଶିଶୁସାହିତ୍ୟିକ ଡକ୍ଟର ସୁନାମଣି ରାଉତ ଓ ସ୍ୱର୍ଗତ କାହ୍ନୁଚରଣ ଖୁଟିଆ ସ୍ମୃତି ପୁରସ୍କାର ବରିଷ୍ଠ ନାଟ୍ୟକାରିଣୀ ପ୍ରଧ୍ୟାପିକା ବିନ୍ଦୁରେଖା ମହାପାତ୍ରଙ୍କୁ ପ୍ରଦାନ କରାଯାଇଥିଲା ।
ଗଦାଧର ସ୍ଵାଇଁ ଶିକ୍ଷକ ଗୌରବ ପୁରସ୍କାର ନିର୍ମଳଚନ୍ଦ୍ର ରାଉତ, ଶଚୀଦେବୀ-ଇନ୍ଦୁମତୀ ଲେଖୁ ପୁରସ୍କାର ମାଙ୍ଗଳିକା ଦାସ, ଶ୍ୟାମସୁନ୍ଦର ମହାନ୍ତି ସ୍ମୃତି ପୁରସ୍କାର ଡା. ଉପେନ୍ଦ୍ର ପ୍ରସାଦ ନାୟକ, ଗଦାଧର ସାହୁ ସ୍ମୃତି ପୁରସ୍କାର ପାଲା ଗାୟକ ରଜନିକାନ୍ତ ପୃଷ୍ଟି, ଦଶରଥ ବିଶ୍ବାଳ ସ୍ମୃତି ପୁରସ୍କାର କୃତି ଛାତ୍ର ଆଶୁତୋଷ ଦାସ, ସଂସଦ ସମ୍ମାନ ବୃନ୍ଦାବନ ସାହୁ, ‘ସ୍ୱତନ୍ତ୍ର ସାମ୍ବାଦିକ ସମ୍ମାନ’ ବରିଷ୍ଠ ସାମ୍ବାଦିକ ବାବୁରାମ ଜେନା, ଅଚ୍ୟୁତାନନ୍ଦ ପତି ଗଛ ସମ୍ମାନ ଚିତରଞ୍ଜନ ଚିରଞ୍ଜିତ, କୈଳାସ ଚନ୍ଦ୍ର ଦାସ ସ୍ମୃତି ସମ୍ମାନ ନାରାୟଣ ମହାଳିକ, ରମେଶଚନ୍ଦ୍ର ମହାନ୍ତି ସାରସ୍ଵତ ସମ୍ମାନ କବି ପ୍ରହଲ୍ଲାଦ ପଣ୍ଡା ପ୍ରମୁଖଙ୍କୁ ପ୍ରଦାନ କରାଯାଇଥିଲା ।
ଏଥିସହିତ ଶିଶୁସାହିତ୍ୟ ଇ-ପତ୍ରିକା ‘ମହକ ଭରା କୋରେଇ ଫୁଲ’ର ‘ଦୌପଦୀ-ପ୍ରାଣକୃଷ୍ଣ ସ୍ମୃତି ସମ୍ମାନ’ ଶିଶୁସାହିତ୍ୟିକ ପ୍ରଶାନ୍ତ କୁମାର ଦାଶଙ୍କୁ ପ୍ରଦାନ କରାଯାଇଥିଲା ବେଳେ ବୋଲେଛୁଟି ପତ୍ରିକାର ‘ପ୍ରତିଭା ସମ୍ମାନ’ ସୁଜାତା ଗିରି ଏବଂ ଆଜ୍ଞାନମସ୍କାର ପତ୍ରିକାର ବ୍ୟାଙ୍ଗମୁଣି ସମ୍ମାନ ଅନନ୍ତ ଜେନା, ଯୁବଚଳଚିତ୍ର ନିର୍ଦେଶକ ପ୍ରଣମକୁମାର ଆଏଚଙ୍କୁ ସ୍ୱତନ୍ତ୍ର ସମ୍ମାନ ସ୍ଵରୁପ ପୁଷ୍ପଗୁଚ୍ଛ, ଅଙ୍ଗବସ୍ତ୍ର ଓ ମାନପତ୍ର ଦେଇ ତିଥିଙ୍କ ଦ୍ବାରା ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଅକ୍ଷୟକୁମାର ବାରିକଙ୍କ କବିତା ସଙ୍କଳନ ‘ଲାଜକଥା’, ଅଧ୍ୟାପକ ନିତ୍ୟାନନ୍ଦ ମହାନ୍ତିଙ୍କ ‘ଫେରିବାର ବେଳ’ ପ୍ରମୁଖ ୪ଟି ପୁସ୍ତକ ଲୋର୍ସର୍ପିତ ହୋଇଥିଲା ।
ଶେଷରେ ସହସଂପାଦକ ଅଧ୍ୟାପକ ମଳୟକୁମାର ମଲ୍ଲିକ ଧନ୍ୟବାଦ ଅର୍ପଣ କରିଥିଲେ । ପୂର୍ବାହ୍ନରେ ପ୍ରଥମ ଅଧିବେଶନ କାର୍ଯ୍ୟକାରୀ ସଭାପତି ପ୍ରାଧ୍ୟାପକ ଶିବଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କବିତା ପାଠୋତ୍ସବକୁ ଉପସଭାପତି ବିନୋଦ ବିହାରୀ ସାହୁ ଉଦଘାଟନ କରିଥିଲେ । ମୁଖ୍ୟଅତିଥି ଭାବୁବ ଯାଜପୁରରୋଡ ଷ୍ଟେଟ ବ୍ୟାଙ୍କର ମୁଖ୍ୟଶାଖା ପ୍ରବନ୍ଧକ ଜ୍ୟୋତିରଞ୍ଜନ ମିଶ୍ର, ସମ୍ମାନିତ ଅତିଥିଭାବେ ବରିଷ୍ଠ କବି ଅଶୋକ କୁମାର ସିଂହ ଓ କୋରାଇ ପ୍ରେସ କ୍ଲବର ସଭାପତି ସୁବାସ ଚନ୍ଦ୍ର ଧଳ ଯୋଗଦେଇଥିଲେ ।
ସହସଂପାଦକ ଅଶୋକ କୁମାର ପତି ଓ ସଂଗଠନ ସଂପାଦକ ପ୍ରଦୀପ କୁମାର ଦାସଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ ନନ୍ଦ ମହାନ୍ତି, ଭୁବନମୋହନ ମହାନ୍ତି, ନବଘନ ସ୍ଵାଇଁ, ଯୋଗେନ୍ଦ୍ରନାଥ ସାହୁ, ପ୍ରଭାତ ମଲ୍ଲିକ, ଜିତେନ୍ଦ୍ର ବେହେରା, ଜୟନ୍ତୀ ଜେନା, ପ୍ରଭାତ ସିହ୍ନା, ଅମ୍ବରିଶ ପୁଂଟିଆ, ଅପର୍ଣ୍ଣା ମିଶ୍ର, ‘ସରସ୍ୱତୀ ପଣ୍ଡା, ନିରଞ୍ଜନ ନାୟକ, ନୀଳମଣି ଓଝା ପ୍ରମୁଖ ଶତାଧିକ କବି ଯୋଗଦେଇ ସ୍ୱରଚିତ କବିତା ପାଠ କରିଥିଲେ । ଶେଷରେ ସହସଂପାଦକ ଅକ୍ଷୟ କୁମାର ବାରିକ ଧନ୍ୟବାଦ ଅର୍ପଣ କରିଥିଲେ ।
