୨୫ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :-> ନୟାଗଡ ଜିଲ୍ଲା ମହିପୁର ବନାଞ୍ଚଳ ସମ୍ପଡା ମେଗା ନର୍ସରୀ ପରିସରରେ ଅରଣ୍ୟ ପରିଧି ସଂସ୍ଥା ତରଫରୁ ଦିନିକିଆ ସୌରବାଡ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବେ ମହିପୁର ବନାଞ୍ଚଳ ଅଧିକାରୀ ଅମ୍ରୀତ କୁମାର ସାହୁ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ।ଅରଣ୍ୟ ପରିଧି ସଂସ୍ଥା ତରଫରୁ ଆସିଥିବା ନାରାୟଣ ବେଠୁଆଲ ସୌରବାଡ଼ର ସୁରକ୍ଷା ଉପରେ ମହିତମା ସେକ୍ସନ ଅଧୀନରେ ଥିବା ଭେଟପଲ୍ଲି,
ବୁଢାବାରୀ, ନାରଣ ପଲ୍ଲୀ, ଖାଲମଡା, କନ୍ଧ ଖାଲମଡା, ସାନ ଜିରି ଲୋକମାନଙ୍କୁ ସଚେତନ କରିଥିଲେ। କିଭଳି ହାତୀ ଗାଁ ମୁଁହା ନ ହେବା ସହିତ ଫସଲ ନଷ୍ଟ ନ କରିବା , ସୌର ବାଡ କିପରି ଦାୟିତ୍ଵ ନେବେ ,କୌଣସି ଅସୁବିଧା ହେଲେ ବନ ବିଭାଗକୁ ଖବର ଦେବା ଆଦି ଉପରେ ସଚେତନ କରିଥିଲେ। ଏହି କାର୍ଯ୍ୟକ୍ରମ ରେ ମହିତମା ଫରେଷ୍ଟର ମୀନ କେତନ ନାୟକ, ବନରକ୍ଷୀ ଅର୍ଧେନ୍ଦୁ ପରିଡ଼ା ସହ ମହିତମା ସେକ୍ସନର ବନ ବିଭାଗ କର୍ମଚାରୀ ଉପସ୍ଥିତ ଥିଲେ ।
