୨୫ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପଡିଆ :-> ସାରା ବିଶ୍ଵ ପାଳନ କରୁଛି ବଡଦିନ । ମଧ୍ୟ ରାତ୍ରରୁ ଧରାଵଚରଣ କରିଛନ୍ତି ପ୍ରଭୁ ଯୀଶୁଖ୍ରୀଷ୍ଟ । ଏହି ପ୍ରରିପ୍ରେଷୀରେ ମାଲକାନଗିରି ଜିଲ୍ଲା ପଡ଼ିଆ ବ୍ଲକ ସଦର ମହକୁମା ସ୍ଥିତ ସେଣ୍ଟ ମାର୍କ ଚର୍ଚ୍ଚ, ଵେରସେଵା ଚର୍ଚ୍ଚ, ପେଣ୍ଟିକଷ୍ଟ ଚର୍ଚ୍ଚ ଏବଂ କାଲଵରୀ ଚର୍ଚ୍ଚ ଖ୍ରୀଷ୍ଟ ଵିଶ୍ଵାସୀଙ୍କ ଭିତରେ ସମୂହ ପ୍ରାର୍ଥନା କରିବା ସହ ଏହି ବଡ଼ ପର୍ବ ଧୂମଧାମ ଓ ଶାନ୍ତିଶୃଙ୍ଖଳାର ସହ ପାଳନ କରାଯାଇଛି । ଏହି ପର୍ବ ପାଇଁ ଖୀଷ୍ଟପ୍ରେମୀଙ୍କ ମଧ୍ୟରେ ଦେଖାଦେଇଛି ଖୁସି । ଚାରିଆଡେ କେବଳ ଶାନ୍ତି, ସଦଭାବନା ଓ ମୈତ୍ରୀର ବାର୍ତ୍ତା ଦିଆଯାଇଛି । ଘରେ ଘରେ ଦେଖାଦେଇଛି ଉତ୍ସବ ମୁଖର ।
ଯୀଶୁ ଖ୍ରୀଷ୍ଟଙ୍କ ଜନ୍ମ ଖୁସିରେ ସମସ୍ତ ଖୀଷ୍ଟପ୍ରେମୀ ଶ୍ରଦ୍ଧାଳୁ ନୂଆଁ ପୋଷାକ ପରିଧାନ କରି କେକ୍ କାଟିବା ସହ ପିଠାପଣାର ଅସାର ଜମିଛି । ଆଜିର ଏହି ଖୁସିର ଉତ୍ସବରେ ପଡ଼ିଆ ବ୍ଲକ ସଦର ମହକୁମା ସ୍ଥିତ ସମସ୍ତ ଚର୍ଚ୍ଚର ପାଳକ, ମଣ୍ଡଳୀର ପ୍ରାଚୀନ ବାପା ମା ଓ ଭାଇ ଓ ଭଉଣୀ ପ୍ରଭୁ ଯୀଶୁଙ୍କୁ ବିଶ୍ଵାସ ସହିତ ପ୍ରାର୍ଥନା ଓ ଉପାସନା କରିବା ସହ ଏକ ବିରାଟ ଶୋଭାଯାତ୍ରାରେ ବାହାରି ନାଚ ଗୀତ ମାଧ୍ୟମରେ ଶାନ୍ତିର ପ୍ରତୀକ ପ୍ରଭୁ ଯୀଶୁଖ୍ରୀଷ୍ଟଙ୍କ ଜନ୍ମ ଦିନ ବାର୍ତ୍ତା ଦେଇଥିଲେ । ଏହି ବଡଦିନ ଉପଲକ୍ଷେ ପଡ଼ିଆର ସମସ୍ତ ଚର୍ଚ୍ଚ ଗୁଡ଼ିକ ବେଲୁନ ମାଧ୍ୟମରେ ସାଜ ସଜା ଓ ରଙ୍ଗ ବେରଙ୍ଗରେ ଆଲୋକ ମାଳାରେ ଝଲସୁ ଥିଲା ।
