୨୦ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ଜାତୀୟ ଶ୍ରମିକ ସଂଗଠନ ଏ.ଆଇ.ଟି.ୟୁ.ସି. ସହବନ୍ଧିତ ଅଖିଳ ଭାରତ ଗୃହ ଓ ନିର୍ମାଣଶ୍ରମିକ ଫେଡେରେସନ୍ ର ଜାତୀୟ ପରିଷଦ ବୈଠକ ୧୯-୨୧ ଡିସେମ୍ବର ୩ଦିନ ଧରି ପୁରୀର ୟୁଥ୍ ହଷ୍ଟେଲଠାରେ ଅନୁଷ୍ଠିତ ହେଉଅଛି । ୨୦ତାରିଖରେ ଏ.ଆଇ.ଟି.ୟୁ.ସି.ର ଲାଲ ପତାକାକୁ ଉତୋଳନ କରାଯିବାପରେ ଏକ ବର୍ଷାଜ୍ୟ ଶୋଭାଯାତ୍ରା ପୁରୀ ରେଳଷ୍ଟେସନରୁ ବାହାରି ସଂସ୍କୃତି ଭବନରେ ପହଂଚିଲା । ସଂସ୍କୃତିଭବନରେ ଶ୍ରମିକ ଶ୍ରେଣୀର ସମସ୍ୟା ଓ ଆମର ଦାୟୀତ୍ବ ସମ୍ପର୍କରେ ଏକ ଜାତୀୟ ଆଲୋଚନା ଚକ୍ର ଅନୁଷ୍ଠିତହୋଇଥିଲା ।
ଏହି ଆଲୋଚନା ଚକ୍ରକୁ ଉଦ୍ଘାଟନ କରି ଏ.ଆଇ.ଟି.ୟୁ.ସି. ଓ କମ୍ୟୁନିଷ୍ଟ ପାର୍ଟିର ଜାତୀୟ ସଂପାଦକ ରାମକୃଷ୍ଣ ପଣ୍ଡା କହିଲେ ମୋଦି ସରକାର ଶ୍ରମିକ ମାନଙ୍କ ବିରୁଦ୍ଧରେ କର୍ପୋରେଟ ସ୍ଵାର୍ଥରେ ଶ୍ରମଆଇନ୍ର ସଂଶୋଧନ କରିଛନ୍ତି । ଦଶନ୍ଧି ଦଶନ୍ଧି ଧରି ଶ୍ରମିକ ଶ୍ରେଣୀର ରକ୍ତ କ୍ଷୟୀ ଆନ୍ଦୋଳନ ରେ ତିଆରିଶ୍ରମ ଆଇନକୁ ଭାଙ୍ଗି ଶ୍ରମିକ ବିରୋଧ ୪ଟି ଶ୍ରମକୋର୍ଡରେ ପରିଣତ କରିଛନ୍ତି । ଫଳରେ ନିର୍ମାଣ ଓ ଅନ୍ୟଅସଂଗଠିତ ଶ୍ରମିକ ମାନଙ୍କର ସାମାଜିକ ନିରାପତା ବିପନ୍ନ ହୋଇଛି । ଦେଶରେ ଗତ ପାଂଚ ଦଶନ୍ଧି ଭିତରେ ସବୁଠାରୁ ଅଧିକ ବେକାରୀ ଓ ଅର୍ଘ ବେକାରୀ ଦେଖା ଦେଇଥିବା ବେଳେ ସରକାର ନିଯୁକ୍ତି ସୃଷ୍ଟିରେ ସଂପୂର୍ଣ୍ଣ ବିଫଳ ହୋଇଛନ୍ତି ।
ସରକାର ଓ କର୍ପୋରେସନ୍ ମାନଙ୍କ ଅଧିନରେ ଖାଲିଥୁବା ଲକ୍ଷ ଲକ୍ଷ ପଦବୀରେ ନିଯୁକ୍ତି ପୂରଣ ହେଉ ନାହିଁ । ଦରଦାମ ବୃଦ୍ଧି, ମୁଦ୍ରାସ୍ପିତି କୁ ସରକାର ନିୟନ୍ତ୍ରଣ କରିବାରେ ସଂପୂର୍ଣ୍ଣ ବିଫଳ ହୋଇଛନ୍ତି। ମନିଟାଇଜେସନ୍ ପାଇପ ଲାଇନ୍ ନାମରେ ଦେଶର ପ୍ରାକୃତିକ ସଂପଦ, କଳ କାରଖାନା, ବନ୍ଦର, ରାସ୍ତାପ୍ରଭୃତିକୁ ଶାଗ ମାଛ ଦରରେ ସରକାର ନିଜର କର୍ପୋରେଟ ମୁନିବ ମାନଙ୍କୁ ବିକ୍ରିକରି ଦେଉଛନ୍ତି । ବିଜେପିସରକାର ସମୟରେ ଶ୍ରମିକ, କୃଷକ, ଦଳିତ, ଆଦିବାସୀ ସର୍ବୋପରି ଦେଶର ସମ୍ବିଧାନ ଉପରେ ପ୍ରବଳ ଆକ୍ରମଣ ଆରମ୍ଭ ହୋଇଛି ।
ଜାତୀ, ଧର୍ମ ନାମରେ ଦେଶର ଶ୍ରମିକ ଶ୍ରେଣୀକୁ ବିଭାଜିତ କରାଯାଉଅଛି । ଦେଶ ର ଏଭଳି ଘଢିସନ୍ଧି ମୂହର୍ତ୍ତରେ ଶ୍ରମିକ ଶ୍ରେଣୀ ଅଧୁକ ସଂଗଠିତ ଭାବେ ଦୁର୍ବାର ଆନ୍ଦୋଳନ ଗଢିତୋଳିବା ହିଁ ସମୟର ଆବଶ୍ୟକତା ବୋଲି ଶ୍ରୀ ପଣ୍ଡା ମତବ୍ୟକ୍ତ କରିଥିଲେ । ଓଡ଼ିଶା ନିର୍ମାଣ ଶ୍ରମିକ ସଂଘର ରାଜ୍ୟ ସଂପାଦକ ବ୍ରଜବନ୍ଧୁ ପ୍ରଧାନ ସ୍ବାଗତ ଭାଷଣ ଦେଇ ଦେଶରଦୁର୍ଗତି ସମୟରେ ପୁରୀ ଠାରେ ଅନୁଷ୍ଠିତ ହେଉଥିବା ନିର୍ମାଣ ଶ୍ରମିକ ଫେଡେରେସନ୍ ର ଜାତୀୟ ସ୍ତରରବୈଠକ ଦେଶର ଶ୍ରମିକ ଶ୍ରେଣୀକୁ ନୂଆ ଦିଗଦର୍ଶନ ଦେବ ବୋଲି ମତ ରଖୁଥିଲେ ।
ନିର୍ମାଣ ଶ୍ରମିକ ଜାତୀୟ ଫେଡେରେସନ୍ ର ସାଧାରଣ ସଂପାଦକ ସାଥ୍ କୁନସେରି ଓ ଉପ ସାଧାରଣ ସଂପାଦକ ସାଥ୍ ପ୍ରବିଣ କୁମାର ଯୋଗ ଦେଇଥିଲେ l ନିର୍ମାଣ ଶ୍ରମିକ ମାନଙ୍କୁ ଧାର୍ଯ୍ୟ ସମୟ ମଧ୍ୟରେ ପଞ୍ଜିକରଣ,ସହାୟତା ବଂଟନ, ସମସ୍ତ ରାଜ୍ୟରେ ଏକପ୍ରକାର ସହାୟତା, ସାମାଜିକ ସୁରକ୍ଷା ପ୍ରଦାନ ସହ ନିର୍ମାଣ ଶ୍ରମିକ ପାଣ୍ଠିକୁ ରାଜନୈତିକ ସ୍ବାର୍ଥରେ ବ୍ୟବହାରବିରୁଦ୍ଧରେ ସଂଗ୍ରାମ ପାଇଁ ଆହ୍ୱାନ ଦେଇଥିଲେ । ସଭାରେ ଏ.ଆଇ.ଟି.ୟୁ.ସି.ର ରାଜ୍ୟ କାର୍ଯ୍ୟକାରୀ ସଭାପତି ମହେଶ୍ଵର ରାଉତ, ରାଜ୍ୟର ଅନ୍ୟତମ ସଂପାଦକ ଏନ୍ ଗୋପାଲ, ନିର୍ମାଣ ଶ୍ରମିକ ସଂଘର ହରିହର ସେନାପତି, ଗୋଲେଖ ନାୟକ,ସୁରେଶ ଚନ୍ଦ୍ର ବିଶ୍ୱାଳ, ପାଣ୍ଡବ ଭୋଇ ପ୍ରମୁଖ ବକ୍ତବ୍ୟ ରଖୁ ଶ୍ରମିକ ସଂଗଠିତ ଓ ସଂଘବଦ୍ଧ ଭାବେ ଆନ୍ଦୋଳନଚଳାଇବାକୁ ଆହ୍ଵାନ ଦେଇଥିଲେ ।
