୧୯ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :-> ନୟାଗଡ ଜିଲ୍ଲା ନୂଆଗାଁ ବ୍ଲକ ସଦରମହକୁମା ଥିବା ହାଇସ୍କୁଲ ପଡ଼ିଆରେ ନୂଆଗାଁ ଆଦର୍ଶ ବିଦ୍ୟାଳୟ ତରଫରୁ ଦିନିକିଆ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି ।ଉଦଘାଟନ ଉତ୍ସବରେ ନୂଆଗାଁ ସି.ଆର.ସି.ସି କୈଳାସ ଚନ୍ଦ୍ର ନାୟକ ଯୋଗଦେଇ କ୍ରୀଡ଼ା ପତାକା ଉତ୍ତୋଳନ କରାଯାଇଥିଲା । ପରେ ଛାତ୍ର ଛାତ୍ରୀ ମାନଙ୍କୁ ନେଇ ବିଭିନ୍ନ ଖେଳ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।
ଉଦଯାପନୀ ଉତ୍ସବରେ ଆଦର୍ଶ ବିଦ୍ୟାଳୟର ଅଧ୍ୟକ୍ଷ ପ୍ରଶାନ୍ତ କୁମାର ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ଭାବେ ବ୍ଳକ ବିଡ଼ିଓ ଡ଼. ଅମୃତ କୁମାର ରାଉଲ୍, ତହସିଲଦାର ହେମନ୍ତ କୁମାର ନାୟକ, ନୂଆଗାଁ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷା ମଧୁଲିତା ପଟ୍ଟନାୟକ,
ଏବିଓ ଜ୍ୟୋସ୍ନା ରାଣୀ ସେଠୀ ପ୍ରମୁଖ ଯୋଗଦେଇ କ୍ରୀଡ଼ାର ମହତ୍ତ୍ଵ,କ୍ରୀଡ଼ା ଦ୍ଵାରା କିପରି ସର୍ବାଙ୍ଗିନ ବିକାଶ ଓ ଦୈନନ୍ଦିନ ଜୀବନରେ କ୍ରୀଡ଼ା ଆବଶ୍ୟକତା ହୋଇଥାଏ ସେ ଉପରେ ବକ୍ତବ୍ୟ ରଖିବା ସହ କୃତିତ୍ୱ ଛାତ୍ର ଛାତ୍ରୀଙ୍କୁ ପୁରସ୍କୃତ କରିଥିଲେ। ଉଚ୍ଚ ମାଧ୍ୟମିକ ବିଦ୍ୟାଳୟର ଖେଳ ଶିକ୍ଷକ ପ୍ରଦୀପ କୁମାର ଖଣ୍ଡୁଆଳ ଖେଳକୁ ପରିଚାଳନା କରିଥିବା ବେଳେ ଆଦର୍ଶ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ସହଯୋଗ କରିଥିଲେ ।
