ବିଦ୍ୟାଳୟର ପ୍ରଧାନ ଆଚାର୍ଯ୍ୟ ସନ୍ତୋଷ କୁମାର ରାଉତରାୟ ବାର୍ଷିକ ବିବରଣୀ ପାଠ କରିଥିବା ବେଳେ ଜିଲ୍ଲା ପରିଷଦ ସଭ୍ୟ ବିଜୟ କୁମାର ସାମନ୍ତରାୟ ମଞ୍ଚାସିନ ଅତିଥି ମାନଙ୍କ ପରିଚୟ କରିବା ସହ ସଭା ପରିଚାଳନା କରିଥିଲେ। ମଞ୍ଚାସିନ ଅତିଥିମାନେ ଶିକ୍ଷା ବ୍ୟବସ୍ଥାରେ ନିପୂଣ ଓଡ଼ିଶା, ନିପୂଣ ଭାରତର ରୂପାୟନ ସଂପର୍କରେ ଆଲୋକପାତ କରିଥିବା ବେଳେ ଗୁଣାବତ୍ତା ଶିକ୍ଷାରମାନକୁ ନିର୍ଦ୍ଧାରଣ କରିବା ସହ ବିକଶିତ କରିବାକୁ ଆହ୍ବାନ ଦେଇଥିଲେ ।
ବିଭିନ୍ନ ବିଭାଗରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀମାନଙ୍କୁ ମାନପତ୍ର ସହ ପୁରସ୍କୃତ କରାଯାଇଥିଲା। ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଉକ୍ତ ବାର୍ଷିକ ଉତ୍ସବ ରେ ବିଦ୍ୟାଳୟର ଗୁରୁଜୀ, ଗୁରୁମା, ଛାତ୍ର ଛାତ୍ରୀ, ଅଭିଭାବକ, ପରିଚାଳନା ସଦସ୍ୟ ମାନେ ଉପସ୍ଥିତ ରହି ସହଯୋଗ କରିଥିଲେ। ପରିଶେଷରେ ବିଦ୍ୟାଳୟର ଊପ ସଭାପତି ଶରତ କୁମାର ମହାପାତ୍ର ଧନ୍ୟବାଦ ଅର୍ପଣ ପୂର୍ବକ ସଭା ସାଙ୍ଗ କରିଥିଲେ ।.
