୧୫ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :- କ୍ୟାପିଟାଲ ହସପିଟାଲ ରେ କ୍ୟାନ୍ସର ରୋଗ ରେ ପୀଡ଼ିତ ଜଣେ ରୋଗୀ ଙ୍କ ଉନ୍ନତ ଚିକିତ୍ସା ପାଇଁ ତାଙ୍କର ଜରୁରୀ କାଳୀନ AB+ve ପ୍ଲେଟଲେଟ ର ଆବଶ୍ୟକ ହୋଇଥିଲା ଅନେକ ଚେଷ୍ଟା କରି ବିଫଳ ହେବା ରୁ ସେମାନେ ଭୁବନେଶ୍ୱର ର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ମିଶନ ରକ୍ତଦାନ ର ସଦସ୍ୟ ଗୁନୁ ଆଚାର୍ଯ୍ୟ ଓ ଚନ୍ଦ୍ରକାନ୍ତ ଭୋଇଙ୍କୁ SDP ସଂଗ୍ରହ ପାଇଁ ଅନୁରୋଧ କରିଥିଲେ । ଗୁନୁ ଆଚାର୍ଯ୍ୟ ଓ ଚନ୍ଦ୍ରକାନ୍ତ ଭୋଇ ବାରିପଦା ର ନିୟମିତ ରକ୍ତ ଓ ପ୍ଲେଟଲେଟ୍ ଦାତା ଡଃ ନିରୋଜ କୁମାର ପୋଥାଳ ଙ୍କୁ ଯୋଗାଯୋଗ କରିଥିଲେ । ଜରୁରୀ କାଳୀନ SDP( ପ୍ଲେଟଲେଟ ) ର ଆବଶ୍ୟକତା ଜାଣିବା ପରେ ଡଃ ନିରୋଜ କୁମାର ପୋଥାଳ ଅବିଳମ୍ବେ ବାରିପଦା ରୁ ଭୁବନେଶ୍ୱର ସ୍ଥିତ କ୍ୟାପିଟାଲ ହସପିଟାଲ ମେଡିକାଲ କୁ ଯାଇ ନିଜର SDP ( ପ୍ଲେଟଲେଟ ) କ୍ୟାନ୍ସର ପୀଡ଼ିତ ବ୍ୟକ୍ତିଙ୍କୁ ପ୍ରଦାନ କରିଥିଲେ ।
ଏହି SDP ( ପ୍ଲେଟଲେଟ ) ସଂଗ୍ରହ ରେ କ୍ୟାପିଟାଲ ହସ୍ପିଟାଲ ବ୍ଲଡ଼ ସେଣ୍ଟର୍ ର ଗଣେଶ୍ୱର ମହାରଣା ଓ ପାର୍ଥ ଦାସ ସହଯୋଗ କରିଥିଲେ । ଏହି ମହାନ ସେବାକାର୍ଯ୍ୟ ପାଇଁ ଡଃ ନିରୋଜ ଙ୍କୁ ଭୁବନେଶ୍ୱର ଓ ମୟୂରଭଞ୍ଜ ର ବିଭିନ୍ନ ଅନୁଷ୍ଠାନ ତରଫ ରୁ ଧନ୍ୟବାଦ୍ ପ୍ରଦାନ କରାଯାଇଛି । ଏହା ପୂର୍ବ ରୁ ଅନେକ ବାର ନିୟମିତ ଭାବରେ ଡଃ ନିରୋଜ ପୋଥାଳ ବାରିପଦା ରୁ ଭୁବନେଶ୍ୱର ଓ କଟକ କୁ ଯାଇ ଡେଙ୍ଗୁ ଓ କେନ୍ସର ରୋଗୀ ଙ୍କୁ ନିଜର ପ୍ଲେଟଲେଟ ପ୍ରଦାନ କରି ଆସୁଛନ୍ତି l ଆଜି ପର୍ଯ୍ୟନ୍ତ ସର୍ବମୋଟ ୧୨୧ ଥର ନିଜର ରକ୍ତଦାନ କରି ଅନେକ ରାଜ୍ୟ ରୁ ପୁରସ୍କୃତ ମଧ୍ୟ ହୋଇଛନ୍ତି । ଏହି ମହାନ ବ୍ୟକ୍ତିଙ୍କ ର ମହାନତା ଓ ତାଙ୍କ ସେବା ଆଜି ସାରା ଭାରତବର୍ଷରେ ଚର୍ଚ୍ଚାର ବିଷୟ ହୋଇଛି। ଯାହାଙ୍କ ଦ୍ଵାରା ହଜାର ହଜାର ମଣିଷର ଜୀବନ ବଞ୍ଚିପାରୁଛି। ସତରେ ସିଏ ଜଣେ ଦେବଦୁତ । ତାଙ୍କ ସେବାଯୁଗେ ଯୁଗେ ଆମର ହୋଇ ରହିବ, ତାଙ୍କ ଏହି ମହାନତା ପାଇଁ ମୟୂରଭଞ୍ଜ ତଥା ଓଡ଼ିଶା ତଥା ଭାରତବର୍ଷର ପ୍ରତ୍ୟେକ କଣ ଅନୁକୋଣରୁ ପ୍ରସଂସାର, ସୁଅ ଛୁଟୁଛି ଏବଂ ଭାରତରତ୍ନ ସମ୍ମାନରେ ସମ୍ମାନି କରିବାପାଇଁ ଦାବୀ ହେଉଛି ।
