ସରକାରୀ ଆକସ୍ମିକ ବୀମା ଦୃଘଟଣା ଆର୍ଥିକ ସହାୟତା ଯୋଗାଇ ଦିଆ ଯାଉ
୧୫ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ :-> ବୋଲଗଡ ଥାନା ଫାସୀଓଦା ଗ୍ରାମ ପଞ୍ଚାୟତ ଅନ୍ତର୍ଗତ ଟାଙ୍ଗୀସାହି ଗ୍ରାମର କବିରାଜ ବିଶ୍ୱାଳଙ୍କ ନାବାଳକ ଏକମାତ୍ର ପୁତ୍ର ଅନିମେଶ ବିଶ୍ୱାଳ (11)ବର୍ଷ ରବିବାର ଦିନ ଅପରାହ୍ନ 5ଟା ସମୟରେ ନୂଆ ପୋଖରୀରେ ବୁଡ଼ି ମୄର୍ତ୍ୟୁ ବରଣ କରି ଅଛି l ଘଟଣାରୁ ପ୍ରକାଶ ଯେ କବିରାଜ ବିଶ୍ୱାଳଙ୍କ ପୁତ୍ର ଅନିବେଶ ବିଶ୍ୱାଳ ପଦାରେ ଝାଡା ଫେରି ଟାଙ୍ଗୀସାହି ଗ୍ରାମର ବାରିପଟେ ଥିବା ନୂଆ ପୋଖରୀକୁ ଶୌଚ ହେବାପାଇଁ ଦାଦା ପୁଅ ସହିତ ଯାଇଥିଲା l ଦାଦା ପୁଅଟି ପୋଖରୀ ହୁଡାରେ ଛିଡା ହୋଇଥିବା ବେଳେ ଅନିମେଶ ପୋଖରୀ ପାଣିରେ ଶୌଚ ହେଉଥିଲା l ଅସାବଧାନତା ଯୋଗୁଁ ଅନିମେଶର ଗୋଡ଼ ପୋଖରୀ ଭିତରକୁ ଖସି ଯିବାରୁ ସେ ଗଭୀର ପାଣିଭିତରକୁ ଚାଲିଯାଇଥିଲା l ପୋଖରୀ ହୁଡାରେ ଛିଡା ହୋଇଥିବା ତାର ଦାଦା ପୁଅ ଏହା ଦେଖି ସଙ୍ଗେ ସଙ୍ଗେ ଦୌଡ଼ିଯାଇ ଘରେ ଖବର ଦେଇଥିଲା l
ଖବର ପାଇ ପରିବାର ଲୋକ ଓ ଗ୍ରାମବାସୀମାନେ ମିଳିତ ଭାବେ ପୋଖରୀ ପାଣିଭିତରେ ଅନିମେଶକୁ ଖୋଜିଥିଲେ l ପରିବାର ବର୍ଗ ପାଣିଭିତରୁ ଅନିମେଶକୁ ଉଦ୍ଧାର କରି ସଙ୍ଗେ ସଙ୍ଗେ ଆଶୁ ଚିକିତ୍ସା ନିମନ୍ତେ ବୋଲଗଡ ସରକାରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ l ଡାକ୍ତର ସେଠାରେ ଅନିମେଶକୁ ପରୀକ୍ଷା ନିରୀକ୍ଷା କରି ମୃତ ଘୋଷଣା କରିଥିଲେ l ଅନିମେଶର ମୃତ୍ୟୁ ଖବର ତାର ବାପା କବିରାଜ ବିଶ୍ୱାଳ ବୋଲଗଡ ଥାନାରେ ଲିଖିତ ଭାବେ ଜଣାଇ ଅଛନ୍ତି l ବୋଲଗଡ ଥାନା ଅଧିକାରିଣୀ ସ୍ନିଗ୍ଧାମୟୀ ବରାଳ ନାବାଳକ ଶବକୁ ଜବତ କରି ଶବ ବ୍ୟବଛେଦ ନିମନ୍ତେ ଖୋର୍ଦ୍ଧା ଜିଲ୍ଲା ସରକାରୀ ଗୋପବନ୍ଧୁ ଚିକିତ୍ସାଳୟକୁ ପଠାଇ ଅଛନ୍ତି l ରାଜ୍ୟ ସରକାର ଓ ଖୋର୍ଦ୍ଧା ଜିଲ୍ଲାପାଳ ଚଞ୍ଚଳରାଣା ମୃତ ନାବାଳକ ଅନିମେଶ ବିଶ୍ୱାଳର ବାପା କବିରାଜ ବିଶ୍ୱାଳଙ୍କୁ ଆକସ୍ମିକ ବୀମା ଦୃଘଟଣା ସରକାରୀ ଆର୍ଥିକ ସହାୟତା ଯୋଗାଇ ଦେବାକୁ ଟାଙ୍ଗୀସାହି ଗ୍ରାମବାସୀମାନେ ଅନୁରୋଧ କରିଅଛନ୍ତି l
