ପାଠକ ନାହାଁନ୍ତି । ପାଠାଗାର କୋଠାର ଆଲୋକଚିତ୍ର, ଫଟୋ ଓ ଭିଡିଓ ଚିତ୍ର ଦେଖି ପାଠକ ଭାବିଥିଲେ ଖୁବଶୀଘ୍ର ପାଠାଗାରରେ ବସି ବହି ପଢିବୁ । ତାହା ଏବେ ଧୂଳିସାତ । ୧୦ ଫୁଟ ଖଣି ପରି ଖାଲ ଖୋଳାଯାଇ ପଡି ରହିଛି । କରିତକର୍ମା ପ୍ରକଳ୍ପ କାର୍ଯ୍ଯ ଏବେ ବି ସରିନାହିଁ । ଅଧା କାମ କରାଯାଇ ତରବରିଆ ଭାବେ ଉଦଘାଟିତ ହୋଇଥିଲା । ସିଂହଦ୍ବାର ସମ୍ମୁଖ ଭାଗ ମହାଖଳା ନାମରେ ପରିଚିତ ଥିଲା । ଖଳାରେ କୌଣସି ବାଡ କିଳ,ମୂର୍ତି ସ୍ଥାପନ ଓ ଆବଦ୍ଧ ସାମଗ୍ରୀ ରହିବା ଉଚିତ ନୁହେଁ ବୋଲି ପୁରୁଖା ଲୋକ କହୁଛନ୍ତି ।
ମନ୍ଦିର ଚାରିପଟ ଭଙ୍ଗା ସମୟରେ ଜେସିବି ଗର୍ଜନ ଓ ଖୋଳାତଡା ଭାଇବ୍ରେସନ ଯୋଗୁ ମେଘନାଦ ପାଚେରି ଓ ଶ୍ରୀମନ୍ଦିର ପ୍ରତି ବିପଦ ସୃଷ୍ଟି ହୋଇଥିଲା ବୋଲି ସେତେବେଳ ଅଭିଯୋଗ ଚର୍ଚ୍ଚା ଯୋର ଧରିଥିଲା । ଯେଉଁ ଉଦ୍ଦେଶ୍ଯ ନେଇ ପ୍ରକଳ୍ପ ନିର୍ମାଣ କରାଯାଇଛି ତାହା ଏବେ ସ୍ବପ୍ନରେ ରହିଛି । ସିଂହଦ୍ବାର ମୁଖଶାଳାରେ ବ୍ରିଟିଶ ଅମଳରୁ ମାର୍ବଲରେ ଖୋଦେଇ ହୋଇ କୁଇନସ ଇଂଗ୍ଲିଶରେ ଲେଖା ଥିଲା ଓନଲି ଅର୍ଥୋ ଡକ୍ସ ହିନ୍ଦୁଜ ଆର ଆଲାଉଡ । ଏବେ ଦେଖାଯାଉଛି ହିନ୍ଦୁଙ୍କ ସହ ଅନ୍ଯ ଧର୍ମର ଲୋକ ବେଳେ ବେଳେ ପ୍ରବେଶ କରୁଥିବା ଦୃଷ୍ଟି ଗୋଚର ହେଉଛି ।
ବିଶ୍ବ ଐତିହ୍ୟ ସ୍ମାରକୀ ଶ୍ରୀମନ୍ଦିର ଚାରିପଟ ୧୦୦ ମିଟର ପର୍ଯ୍ୟଙ୍ଗନ୍ତ ଭଙ୍ଗା ଯିବା ପାଇଁ ପ୍ରାଥମିକ ସର୍ଭେ ହୋଇଥିଲେ ମଧ୍ଯ କାହା ଚାପରେ ୭୫ ମିଟର ପର୍ଯ୍ୟନ୍ତ ଭଙ୍ଗା ଗଲା ତାକୁ ନେଇ ଏବେ ସହରେ ଚର୍ଚ୍ଚା ଚାଲିଛି । ଶ୍ରୀମନ୍ଦିର ଭିତର ଓ ବାହାର ସୁରକ୍ଷା ବଳୟ ସଠିକ ରହୁନଥିବାରୁ ମଝିରେ ମଝିରେ ଅଘଟଣ ଘଟିବାରେ ଲାଗିଛି । ଏବେ ମନ୍ଦିର ଚାରିପଟେ ଯିଏ ଯେଉଁଠି ବାଇକ ରଖିବା ଫଳରେ ମନ୍ଦିର ସୁରକ୍ଷା ପ୍ରତି ବିପଦ ଆଶଙ୍କା ରହିଛି ବୋଲି ସାଧାରଣରେ ଆଲୋଚନା ହେଉଛି । ସିଂହଦ୍ବାର ଅରୁଣସ୍ତମ୍ଭ ଠାରୁ ନିର୍ଦ୍ଧିଷ୍ଟ ଦୂରତା ପରେ ଫଟୋ,ଭିଡିଓ ,
ଡ୍ରୋନ ଓ ମୋବାଇଲରେ ଫଟୋଚିତ୍ର ନେବା ନିଷିଦ୍ଧ ଥିବାବେଳେ ଅରୁଣସ୍ତମ୍ଭ ନିକଟରେ ଭକ୍ତଙ୍କ ଯାଆସରେ ପ୍ରତିବନ୍ଧକ ସୃଷ୍ଟି କରି କେତେକ ଘରୋଇ ଚ୍ୟାନେଲ ଭିଡିଓ ଉତୋଳନ କରୁଥିବା ଦେଖିବାକୁ ମିଳୁଛି । ଶ୍ରୀମନ୍ଦିର ଚାରିଦ୍ଵାର ନିର୍ଦ୍ଧିଷ୍ଟ ଦୂରତା ପରେ ବାଇକ ଷ୍ଟାଣ୍ଡ କରାଯାଇ ବାଇକ ରଖିବା ପାଇଁ ଭକ୍ତ ମହଲରୁ ଦାବି ହେଉଛି । ମଠ ଗୁଡିକ ଭଙ୍ଗା ଯିବା ଫଳରେ ସାଧୁସନ୍ଥ ମାନେ ରଥଯାତ୍ରା ଦେଖିବା ପାଇଁ ଆଉ ଅଧିକ ସଂଖ୍ଯକ ଆସୁନଥିବା ଦେଖିବାକୁ ମିଳୁଛି । ଗରିବ ବିଦ୍ୟାର୍ଥୀ ମାନେ ମଠରେ ରହି ବ୍ରହ୍ମଚର୍ଯ୍ଯ ପାଳନ ବିଦ୍ଯା ଗ୍ରହଣ ଓ ଧାର୍ମିକ ଶିକ୍ଷା ପାଉଥିବା ବେଳେ ଏବେ ଆଉ ସେ ସୁବିଧା ମିଳୁନାହିଁ । ଶ୍ରୀମନ୍ଦିର ଭିତର ଓ ବାହାର ସୁରକ୍ଷା ପାଇଁ ସ୍ବତନ୍ତ୍ର ପୁଲିସ ନିୟୋଜିତ କରିବା ପାଇଁ ଭକ୍ତଗଣ, ବୁଦ୍ଧିଜୀବୀ,ଆଇନଜୀବୀ ଓ ସହରବାସୀଙ୍କ ଦାବି ଯୋର ଧରିଲାଣି ।
