୧୨ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ :-> ବର୍ତ୍ତମାନ ଖୋର୍ଦ୍ଧାରୋଡ଼ ରେଳ ଷ୍ଟେସନର ପ୍ଲାଟଫର୍ମ ନଂ୧ ରେ ଥିବା ଷ୍ଟେସନ୍ ବିଲ୍ଡିଂରେ ଯାତ୍ରୀମାନେ ଆଧୁନିକ ସୁବିଧା ସହିତ “ଶୀତତାପ ନିୟନ୍ତ୍ରିତ ପେଡ୍ ଲାଉଞ୍ଜ” ର ସୁବିଧା ପାଇପାରିବେ ।
ଏସି ପେଡ୍ ଲାଉଞ୍ଜରେ ନାମକୁ ମାତ୍ର ଚାର୍ଜ ଦେବାକୁ ପଡ଼ିବ,ଯଥା ବୟସ୍କ ଲୋକଙ୍କ ପାଇଁ ଘଣ୍ଟା ପ୍ରତି ୧୦ଟଙ୍କା +୧୮% ଜିଏସଟି, ଏବଂ ୫ ରୁ ୧୨ ବର୍ଷ ବୟସର ପିଲାମାନଙ୍କ ପାଇଁ ଘଣ୍ଟା ପ୍ରତି ୫ ଟଙ୍କା+ ୧୮% ଜିଏସଟି । ଏସି ପେଡ୍ ଲାଉଞ୍ଜରେ ସୁସଜ୍ଜିତ ସୋଫା,ଟିଭି, ମୋବାଇଲ୍ ଚାର୍ଜିଂ ପଏଣ୍ଟ,ଟ୍ରେନ୍ ସୂଚନା ବୋର୍ଡ ର ବ୍ୟବସ୍ଥା କରାଯାଇଛି ।
ଯାତ୍ରୀମାନଙ୍କୁ ସେମାନଙ୍କର ପସନ୍ଦର ମୃଦ୍ୟୁ ପାନୀୟର ବ୍ୟବସ୍ଥା ଏହି ଲାଉଞ୍ଜରେ ଉପଲବ୍ଧ । ପୁରୁଷ ଏବଂ ମହିଳା ମାନଙ୍କ ପାଇଁ ପୃଥକ ପରିଷ୍କାର ଏବଂ ସ୍ୱଚ୍ଛ ଶୌଚାଳୟ ଉପଲବ୍ଧ କରାଯାଇଛି । ଖୋର୍ଦ୍ଧାରୋଡ଼ରୁ ଯାତ୍ରା କରୁଥିବା ଯାତ୍ରୀମାନେ ଏହି ଏସି ପେଡ୍ ଲାଉଞ୍ଜର ସୁବିଧା ପାଇପାରିବେ ଏବଂ ସେମାନଙ୍କ ଟ୍ରେନ୍ ଯାତ୍ରାର ସମୃଦ୍ଧ ଅଭିଜ୍ଞତାକୁ ବଢ଼ାଇ ପାରିବେ ।
