୧୨ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଆର,ଉଦୟଗିରି :-> ବିଶ୍ବହିନ୍ଦୁ ପରିସଦ ଓ ବଜରଙ୍ଗ ଦଳ ଆନୁକୂଲ୍ୟରେ ଆର,ଉଦୟଗିରି ସଦର ମହକୁମାରେ ଶୌର୍ଯ୍ୟ ଜାଗରଣ ଦିବସ ପାଳିତ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ବକ୍ତା ଭାବେ ଆର୍ ଏସ୍ ଏସ୍ (rss) ବିଭାଗ ସହଶାରୀରିକ ପ୍ରମୁଖ ଜୁରୀଆ ଜାନି, ବିଏଚ୍ପି ପ୍ରାନ୍ତ କାର୍ଯ୍ୟକତ୍ତା ତରଣୀସେନ ଦାଶ, ବିଏଚ୍ପି ଜିଲ୍ଲା ସହସମ୍ପାଦକ ନାରାୟଣ ରଇତ, ଶବର ସମାଜର କଲ୍ୟାଣ ସମିତିର ପୂର୍ବତନ ସଭାପତି ଝାମ୍ପୁରା ବଜରଙ୍ଗ ଦଳ ଜିଲ୍ଲା ସଂଯୋଜକ, ସହ ସଂଯୋଜକ ଓ ଜିଲ୍ଲା ମିଳନ କେନ୍ଦ୍ର ପ୍ରମୁଖ ଯୋଗ ଦେଇଥିଲେ ।
ବଜରଙ୍ଗ ଦଳର ଶତାଧିକ କର୍ମୀ ବଜରଙ୍ଗ ଧ୍ବଜା ସହ ଗ୍ରାମ ପରିକ୍ରମା କରିବା ପରେ ସ୍ଥାନୀୟ ଶିବମନ୍ଦିର ଖେଳପଡିଆରେ ସମବେତ ହୋଇଥିଲା । ଏହି ଅବସରରେ ବଜରଙ୍ଗ ଦଳ ମାଧ୍ୟମରେ ହିନ୍ଦୁ ଯୁବ ସମାଜକୁ ସଂଗଠନରେ ଯୋଡିବା, ଗୋମାତା ସୁରକ୍ଷା, ହିନ୍ଦୁତ୍ବର ଭାବ ଜାଗ୍ରତ କରିବା, ମଠମନ୍ଦିର ସୁରକ୍ଷା, ସେବା ଓ ସମସ୍ତଙ୍କ ମଧ୍ୟରେ ସଂସ୍କାର ଆଣିବା ଏହି କାର୍ଯ୍ୟକ୍ରମର ଲକ୍ଷ୍ୟ ଥିଲା । କାର୍ଯ୍ୟକ୍ରମକୁ ନାରାୟଣ ରଇତ, ସଂଗ୍ରାମ ପାଇକ, ନାରଦ ମଳିକ ଓ ରମାକାନ୍ତ ମିଶ୍ର ପ୍ରମୁଖ ପରିଚାଳନା କରିଥିଲେ ।
