୦୬ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ସମାଜ ବିଜ୍ଞାନ ବିଭାଗ ଆନୁକୁଲ୍ୟରେ ନବାଗତ + ୩ ପ୍ରଥମ ବର୍ଷର ଛାତ୍ରଛାତ୍ରୀମାନଙ୍କୁ କଲେଜ ଦୃଶ୍ୟ ଶ୍ରାବ ଗୃହ ଠାରେ ପୁଷ୍ପଗୁଚ୍ଛ ଓ ଉପଢ଼ୌକନ ପ୍ରଦାନ କରାଯାଇ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ଆୟାଜିତ ଉତ୍ସବରେ ବିଭାଗୀୟ ମୁଖ୍ୟା ଅଧ୍ୟାପିକା ଚିନ୍ମୟୀ ମିଶ୍ର ସଭାପତିତ୍ୱ କରିବା ସହିତ ସ୍ୱାଗତ ଭାଷଣ ପ୍ରଦାନ କରିଥିଲେ । ମୁଖ୍ୟଅତିଥି ଭାବେ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଯୋଗଦାନ କରି ଏହି ବିଭାଗର ଛାତ୍ରଛାତ୍ରୀମାନେ ସଦାବେଳେ ଶୃୃଙ୍ଖଳିତ ଓ ଭଲପାଠ ପଢ଼ି କଲେଜର ସୁନାମ ରଖିବାକୁ ପରାମର୍ଶ ଦେଇଥିଲେ ।
ମୁଖ୍ୟବକ୍ତା ଭାବେ ପୂର୍ବତନ ଉପାଧ୍ୟକ୍ଷ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ନବାଗତ ଛାତ୍ରଛାତ୍ରୀମାନେ କଲେଜର ନୀତିନିୟମ ମାନି ପାଠ ପଢ଼ିବା ପାଇଁ କହିଥିଲେ । ସମ୍ମାନିତ ଅତିଥି ଭାବେ ପ୍ରଶାସନିକ ଅଧିକାରୀ ଡକ୍ଟର ଶୈଳେନ୍ଦ୍ର ଚନ୍ଦ୍ର ଦେଓ, ସ୍ନାତକତ୍ତୋର ବିଭାଗ ସମ୍ମୁହର ସଂଯୋଜକ ଡକ୍ଟର ଶଶିଭୂଷଣ ମହାପାତ୍ର ଓ ଅଧ୍ୟାପିକା ରୋଜାଲିନା ମହାନ୍ତି ପ୍ରମୁଖ ଯୋଗଦାନ କରି ସମାଜ ବିଜ୍ଞାନ ପାଠ୍ୟକ୍ରମରେ ସମାଜର ବିଭିନ୍ନ ଚାଲିଚଳଣ, ପରିବାର ଏବଂ ସଂପର୍କ ସମ୍ବନ୍ଧରେ ଯେଉଁ ତଥ୍ୟ ରହିଛି ଛାତ୍ରଛାତ୍ରୀମାନେ ଗୁରୁତ୍ୱ ଦେବାପାଇଁ କହିଥିଲେ । ଶେଷରେ ଅଧ୍ୟାପିକା ଯୁଗନୀଜ୍ୟୋସ୍ନା ଧନ୍ୟବାଦ ଅର୍ପଣ କରିଥିଲେ । 
