କୋଣାର୍କ ସାହିତ୍ୟ ସଂସଦର ସଭାପତି ତିବିକ୍ରମ ରାମ କୃଷ୍ଣ ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ କୁଳପତି ଓଡ଼ିଆ ବିଶ୍ୱବିଦ୍ୟାଳୟର ପ୍ରଫେସର ଡକ୍ଟର ସବିତା ପ୍ରଧାନ, ବରିଷ୍ଠ ସାହିତ୍ୟିକ ପ୍ରଫେସର ଡକ୍ଟର ଆଦିକନ୍ଦ ସାହୁ, ଓ ଭାରତ ବିଖ୍ୟାତ ଓଡିଶୀ ନୃତ୍ୟ ବିଦୁଷୀ ଡକ୍ଟର ସୁଜାତା ମହାପାତ୍ର, ଯୋଗ ଶ୍ରୀ ପଟ୍ଟନାୟକଙ୍କୁ ଅର୍କ ପ୍ରଜ୍ଞା ସମ୍ମାନରେ ସମ୍ମାନୀତ କରିଥିଲେ । ଏଥିରେ ଶତାଧିକ ସାହିତ୍ୟପ୍ରେମୀ ଉପସ୍ଥିତ ଥିଲେ ।
ଏହି କୋଣାର୍କ ସାହିତ୍ୟ ସଂସଦର ଅବସରରେ ସାହିତ୍ୟ ପତ୍ରିକା “ଧରମା” ର ସପ୍ତମ ସଂଖ୍ୟା ଉନ୍ମୋଚନ ହୋଇଥିବା ବେଳେ ଏଥିରେ ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ସାରସ୍ୱତ ପ୍ରତିଭାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଉକ୍ତ ଉତ୍ସଵରେ ବହୁସଂଖ୍ୟକ କବି ଓ କବୟିତ୍ରୀ ଯୋଗ ଦେଇ ସେମାନଙ୍କର ସ୍ୱ ରଚିତ ଗଳ୍ପ ଓ କବିତା ପାଠ କରିଥିଲେ । ଆଉ ମଧ୍ୟ ଏହି କୋଣାର୍କ ସାହିତ୍ୟ ସଂସଦ ଉତ୍ସବରେ ଭାଷା ଓ ଅସ୍ମିତା ବିଷୟରେ ସାରଗର୍ଭକ ଆଲୋଚନା କରାଯାଇଥିଲାବେଳେ କୋଣାର୍କ ସାହିତ୍ୟ ସଂସଦର ସଂପାଦକ ରବୀନ୍ଦ୍ରନାଥ ବାହିନୀପତି ସଂପାଦକୀୟ ବିବରଣୀ ପାଠ କରିଥିଲେ ।
