ବାଙ୍କୀ ବ୍ଲକ କାଫେରେ ତାଲା  

୦୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ବ୍ଲକ ନିକଟସ୍ଥ ଗୃହରେ ହୋଇଥିବା କାଫେ ଦୀର୍ଘ ଦିନ ହେଲା ତାଲା ପଡି ବନ୍ଦ ହୋଇ ରହିଛି । ବାଙ୍କୀ ବ୍ଲକ ନିକଟରେ ଉପଜିଲ୍ଲାପାଳ କାର୍ଯ୍ୟାଳୟ, ଉପକୋଷାଘର କାର୍ଯ୍ୟାଳୟ, ଉପନିବନ୍ଧକ କାର୍ଯ୍ୟାଳୟ, କୋର୍ଟ ଅବସ୍ଥିତ ଥିବା ବେଳେ ପ୍ରତିଦିନ ଶହ ଶହ ଲୋକ ଏଠାକୁ ବିଭିନ୍ନ ସରକାରୀ କାମରେ ଆସନ୍ତି । କାଫେ ଚାଲୁଥିବା ବେଳେ ଜନସାଧାରଣ ଏଥିରେ ଖାଦ୍ୟ ଖାଇବାର ସୁବିଧା ପାଇପାରୁଥିଲେ ।

ବର୍ତ୍ତମାନ କାଫେଟି ଦୀର୍ଘଦିନ ହେବ ବନ୍ଦ ହେବା ଫଳରେ ଜନସାଧାରଣ ଏହି ସୁବିଧାରୁ ବଞ୍ଁଚତ ହୋଇଛନ୍ତି । କାଫେଟିକୁ ତୁରନ୍ତ ଖୋଲାଗଲେ ଜନସାଧାରଣ ଏହାର ସୁବିଧା ନେଇପାରିବା ସହ ଖାଇବା ପିଇବାର ସୁବିଧା ହୋଇପାରିବ ବୋଲି ଜନସାଧାରଣଙ୍କ ତରଫରୁ ପ୍ରକାଶ । ଏହା ବନ୍ଦ ରହିବା ଫଳରେ ସେଠାରେ ଅସାମାଜିକ ଲୋକଙ୍କର ଆଡ୍ଡାସ୍ଥଳୀ ପାଲଟିଛି ।