୦୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଦଶପଲ୍ଲା :-> ଦିନକୁଦିନ ପ୍ରଶଂସା ସାଉଁଟି ଚାଲିଛି ଦଶପଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ପବନପୁତ୍ର – ସେବା ସମିତି । ଖାଲି ଦଶପଲ୍ଲା ନୁହେଁ ବରଂ ନୟାଗଡ଼ ଜିଲ୍ଲାର ବିଭିନ୍ନ ସ୍ଥାନରେ ବିଭିନ୍ନ ସେବାମୂଳକ କାର୍ଯ୍ୟକରି ପ୍ରଶଂସା ସାଉଁଟି ଚାଲିଛି ଏହି ସ୍ବେଛାସେବୀ ସଂଗଠନ । କେତେବେଳେ କାହାର ଘର ନାହିଁ ତ ତା ପାଇଁ ଘର ତୋଳିଦେବା ହେଉ ,ତ ଆଉ କେତେବେଳେ ନିରାଶ୍ରୟ ଲୋକଙ୍କୁ ଆଶ୍ରୟ ଯୋଗାଇବା ହେଉ ।
ଗରିବ ନିରାଶ୍ରୟ ଲୋକକୁଂ ନିୟମିତ ଖାଦ୍ୟ ଯୋଗାଇବା ସହିତ , ଗରିବ ଲୋକଙ୍କ ସ୍ବାସ୍ଥ୍ୟ ଖରାପ ହେଲେ ତାଙ୍କୁ ମେଡିକାଲ୍ ପହଞ୍ଚାଇବାରେ ମୁଖ୍ୟ ଭୂମିକା ବହନ କରୁଛନ୍ତି ଏହି ସ୍ବେଚ୍ଛାସେବୀ ସଂଗଠନ । ଏହି କ୍ରମରେ ଆଜି ଟାକରା ଗ୍ରାମପଞ୍ଚାୟତ ର ବୁଗୁଡା କଲେଜ ନିକଟରେ ଥିବା ଜଣେ ନିରାଶ୍ରୟ ବ୍ୟକ୍ତିଙ୍କୁ ସଫା ସୁତୁରା କରିବା ସହିତ ତାକୁଂ କମ୍ବଳ ସହିତ , ନୂତନ ବସ୍ତ୍ର ପିନ୍ଧାଇ ଖାଦ୍ୟ ପାନୀୟ ସହିତ ଓଷଦ ମଧ୍ୟ ପ୍ରଦାନ କରିଥିଲେ ।
୫୭ ନଂ ଜାତୀୟ ରାଜପଥ ପାର୍ଶ୍ବରେ ଏକ ଭାଡିରେ ଆଶ୍ରୟ ନେଉଥିବା ଶ୍ୟାମ ନାଏକ କଂ ନିକଟରେ ପହଞ୍ଚି ତାକୁଂ କମ୍ବଳ ସହିତ ଶୁଖିଲା ଖାଦ୍ୟ ମଧ୍ୟ ପ୍ରଦାନ କରିଥିଲେ । ବୁଗୁଡା ଛକର ଏକ ଭଂଗା କୁଡିଆରେ ରହୁଥିବା ଫଲ ମାଝି କୁଂ କମ୍ବଳ ପ୍ରଦାନ କରିବା ସହିତ ଶୁଖିଲା ଖାଦ୍ୟ ମଧ୍ୟ ପ୍ରଦାନ କରିଥିଲେ । ଏଥି ସହିତ ପକ୍ଷାଘାତ ରୋଗୀ ପୁଷ୍ପାଞ୍ଜଳି ନାୟକକୁଂ ଭେଟି ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ମଧ୍ୟ ଦେଇଥିଲେ ।
