ନିୟମିତ ପାଇଁ ଦାବି ଜଣେଇଲା କନିଷ୍ଠ ଶିକ୍ଷକ ସଙ୍ଘ,ଯୋଜନାଭିତିକ
୨୬ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଗୋପ :-> ଗୋପ ବ୍ଲକ ଶିକ୍ଷା ମଣ୍ଡଳ ଅଧିନସ୍ଥ ନୟାହାଟ ସରକାରୀ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ମଣ୍ଡଳ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଅଛି।ମଣ୍ଡଳସ୍ତରୀୟ ବିଜ୍ଞାନ ମେଳା କୁ କାକଟପୁର ର ବିଧାୟକ ତୁଷାରକାନ୍ତି ବେହେରା ଙ୍କ ଦ୍ଵାରା ଉଦ୍ଘାଟନ କରିବଯାଇଥିବା ସ୍ଥଳେ ଉକ୍ତ ମେଳା ର ଉଦଯାପନୀ ଉତ୍ସବ ଅବସରରେ ରାଜ୍ୟ ର ଉପ ମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ l ଉକ୍ତ ମଞ୍ଚରେ ଅନ୍ୟ ଅତିଥି ଭାବରେ ଜଗତସିଂହପୁର ସାଂସଦଙ୍କ ଗୋପ ବ୍ଲକ ପ୍ରତିନିଧୂ ଶ୍ରୀଯୁକ୍ତ ସୁଶାନ୍ତ କୁମାର ସ୍ବାଇଁ, ଗୋପ ବ୍ଲକ ଉପାଧ୍ୟାକ୍ଷ ଶ୍ରୀଯୁକ୍ତ ବନରଞ୍ଜନ ପଟ୍ଟନାୟକ, ଜିଲ୍ଲା ପରିଷଦ ସଭ୍ୟ ଶ୍ରୀଯୁକ୍ତ ପ୍ରମୋଦ ରାୟ, ଜିଲ୍ଲା ଶିକ୍ଷା ଅଧୂକାରୀ ଶ୍ରୀଯୁକ୍ତ ଦୀପକ କୁମାର ପାଢ଼ୀ,
ଗୋପ ମଣ୍ଡଳ ଶିକ୍ଷା ଅଧୂକାରୀ ଶ୍ରୀଯୁକ୍ତ ସୁଶୀଲ କୁମାର ବ୍ରହ୍ମା ଉପସ୍ଥିତ ଥିଲେ । ଉକ୍ତ ବିଜ୍ଞାନ ମେଳେ ରେ ବିଚାରକ ଭାବେ ଯୋଗ ଦେଇଥିଲେ ପ୍ରାକ୍ତନ କୁଳପତି ଖଲ୍ଲିକୋଟ ବିଶ୍ଵବିଦ୍ୟାଳୟ ର ପ୍ରଧ୍ୟାପକ ପ୍ରଫୁଲ କୁମାର ମହାନ୍ତି, ପଦାର୍ଥ ବିଜ୍ଞାନ ପ୍ରଧ୍ୟାପକ ଦିଲ୍ଲୀ ବିଶ୍ଵବିଦ୍ୟାଳୟର ପ୍ରଧ୍ୟାପକ ହେମନ୍ତ କୁମାର ମିଶ୍ର, ପରିବେଶବିତି ନିହାର ଆଚାର୍ଯ୍ୟ ପୂର୍ବତନ ଜିଲ୍ଲା ବିଜ୍ଞାନ ପର୍ଯ୍ୟବେକ୍ଷକ ରବୀନ୍ଦ୍ର ନାଥ ସ୍ଵାଇଁ ଯୋଗଦେଇ ମଞ୍ଚ ସମ୍ମୁଖରେ ଉପସ୍ଥିତ ଥିବା ଛାତ୍ର ଛାତ୍ରୀ ମାନଙ୍କୁ ବିଜ୍ଞାନ, ଗଣିତ,ପରିବେଶ ର ସୁରକ୍ଷା ଓ ଶିକ୍ଷା ଉପରେ ବୁଝାଇ କହିଥିଲେ l
ପରିଶେଷରେ ଓଡିଶା କନିଷ୍ଠ ଶିକ୍ଷକ ସଙ୍ଘ (ଯୋଜନା ଭିତିକ ), ଗୋପ ବ୍ଲକ ର ଶିକ୍ଷକ ଶିକ୍ଷୟତ୍ରୀ ମାନେ ଉପ ମୁଖ୍ୟମନ୍ତ୍ରୀ ଙ୍କୁ ପୁଷ୍ପ ଗୁଚ୍ଛ ଦେଇ ସ୍ବାଗତ କରିବା ସଙ୍ଗେ ସଙ୍ଗେ ସଭା ମଞ୍ଚ ନିକଟକୁ ପାଛୋଟି ନେଇଥିଲେ । ମଞ୍ଚରେ ଉପ ମୁଖ୍ୟମନ୍ତ୍ରୀ ପିଲାମାନଙ୍କୁ ଆଗାମୀ ଭବିଷ୍ୟତ ପାଇଁ ବୈଜ୍ଞାନିକ ତର୍କିକ ମନୋବୃତି ପାଇଁ ଉତ୍ସାହିତ କରିବା ସହ ସଙ୍ଘର ଶିକ୍ଷକ ଶିକ୍ଷୟତ୍ରୀ ମାନଙ୍କ ସହ ଆଲୋଚନା କରିଥିଲେ ।
ସଙ୍ଘର ସଦସ୍ୟ ସୌରଭ ସିଂ, ପରୀକ୍ଷିତ ରଥ, ସତ୍ୟ ପଟ୍ଟନାୟକ, ସୁପ୍ରିୟା ପ୍ରିୟଦର୍ଶନୀ ନାୟକ, ଗାୟତ୍ରୀ ଦାସ, ସୋନାଲି ମହାପାତ୍ର, ରୋଜାଲିନ ସେଠୀ, ସାହେବା ଫିଦୋଷ, ପ୍ରଭୁତି ଅନେକ ଶିକ୍ଷକ ଓ ଶିକ୍ଷୟତ୍ରୀ ମାନେ ଉପସ୍ଥିତ ରହିଥିଲେ l ଶିକ୍ଷକ ସରୋଜ କୁମାର ମିଶ୍ର ସଭା ପରିଚାଳନା କରିଥିଲେ । କାର୍ଯ୍ୟକ୍ରମ ଶେଷରେ ଉତ୍ତୀର୍ଣ୍ଣ ହୋଇଥିବା ସାତୋଟି ସ୍କୁଲର ୮ ଜଣ ଛାତ୍ର ଛାତ୍ରୀଙ୍କୁ ମୁଖ୍ୟ ଅତିଥ୍ ମାନପତ୍ର ସହିତ ଟ୍ରଫି ପ୍ରଦାନ କରିଥିଲେ I
