୨୫ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ଭୁବନେଶ୍ୱରସ୍ଥିତ ଏକ ସର୍ବଭାରତୀୟ ଏନ୍ଜିଓ ‘ହମାରା ବଚ୍ପନ ଟ୍ରଷ୍ଟ’ (ଏଚବିଟି) ଲିଙ୍ଗ-ଭିତ୍ତିକ ହିଂସା ବିରୋଧରେ ୧୬ ଦିନିଆ ବୈଶ୍ୱିକ ଅଭିଯାନ ଆରମ୍ଭ କରିଛି, ଯାହା ନଭେମ୍ବର ୨୫ (ଆନ୍ତର୍ଜାତିକ ମହିଳା ହିଂସା ନିରୋଧୀ ଦିବସ)ରୁ ଡିସେମ୍ବର ୧୦ (ଆନ୍ତର୍ଜାତିକ ମାନବାଧିକାର ଦିବସ) ପର୍ଯ୍ୟନ୍ତ ଚାଲିବ । ୨୫ ନଭେମ୍ବରରେ ଏଚବିଟି ଓଡ଼ିଶା ଓ ମଧ୍ୟପ୍ରଦେଶରେ ଏହାର ବିଶାଳ ଅଭିଯାନ ଶୁଭାରମ୍ଭ କରିଥିଲା, ଯେଉଁ ଅବସରରେ ୧୬ଦିନ ବ୍ୟାପୀ ଏହାର କାର୍ଯ୍ୟକାରିତାର ବିଭିନ୍ନ ସ୍ଥାନରେ ଏକାଧିକ କାର୍ଯ୍ୟକ୍ରମ ଆାୟୋଜିତ ହେବାକୁ ଯାଉଛି । ଏହି ସମସ୍ତ କାର୍ଯ୍ୟକ୍ରମ ଅନ୍ତରଙ୍ଗ ସାଥୀଙ୍କ ଦ୍ୱାରା ହିଂସା, ବାଲ୍ୟ ବିବାହ ଏବଂ ଅନ୍ୟ ଲିଙ୍ଗ-ଭିତ୍ତିକ ହିଂସା ଭଳି ଗୁରୁତର ପ୍ରସଙ୍ଗଗୁଡିକ ପ୍ରତି ଦୃଷ୍ଟିଦେବା ଲକ୍ଷ୍ୟ ରଖିଛି ।
କେନ୍ଦୁଝରରେ ପାଟଣାର ଏକ ଅଙ୍ଗନବାଡି କେନ୍ଦ୍ରରେ ଆୟୋଜିତ କାର୍ଯ୍ୟକ୍ରମରେ ୪୦ ଜଣ ଅଂଶଗ୍ରହଣକାରୀ ଯୋଗଦେଇଥିଲେ; ଯେଉଁମାନଙ୍କ ମଧ୍ୟରେ ମହିଳା ସ୍ୱୟଂ ସହାୟକ ଗୋଷ୍ଠୀ, କିଶୋରୀ ବାଳିକା ଏବଂ ପିଆରଆଇ ନେତୃବୃନ୍ଦ ଅନ୍ତର୍ଭୁକ୍ତ ଥିଲେ । ଏହି ଅଭିଯାନ ସମୟରେ ଯୋ÷ନଗତ, ଶାରୀରିକ ଏବଂ ମନସ୍ତାତ୍ତ୍ୱିକ ହିଂସାଜନିତ ଆପଦ ସମ୍ପର୍କରେ ଆଲୋକପାତ କରାଯାଇଥିଲା, ଏବଂ ତାହାସହିତ ବାଲ୍ୟ ବିବାହର କୁପରିଣତି ସମ୍ପର୍କରେ ସଚେତନ କରାଯାଇଥିଲା । ଏହି ଅବସରେ ସାମୂହିକ ପ୍ରୟାସକୁ ପ୍ରେରଣା ଦେବା ନିମନ୍ତେ ଏକ ଶୋଭାଯାତ୍ରା ଆୟୋଜନ ସହିତ ସେଥିରେ ଏ ସମ୍ପର୍କରେ ସ୍ଲୋଗାନ ଦିଆଯାଇଥିଲା ।
ଇତିମଧ୍ୟରେ ଭୁବନେଶ୍ୱରର ଭଗବତୀ ଅଞ୍ଚଳରେ ୨୬ କିଶୋରୀ ବାଳିକା ଏବଂ ମହିଳା ଲିଙ୍ଗ-ଭିତ୍ତିକ ହିଂସା ବିରୋଧରେ ନିରାପତ୍ତା, ସମାନତା ଏବଂ ମଜଭୁତପଣ ଉପରେ ଆଲୋଚନାକୁ ପ୍ରୋତ୍ସାହିତ କରିବା ଉଦେ୍ଦଶ୍ୟରେ ରଙ୍ଗୋଲି ପ୍ରସ୍ତୁତି ପ୍ରତିଯୋଗିତା ଏବଂ ଶପଥ ପାଠ ଉତ୍ସବ ଆଦି ସୃଜନଶୀଳ ପଦକ୍ଷେପରେ ଅଂଶଗ୍ରହଣ କରିଥିଲେ । ମଧ୍ୟପ୍ରଦେଶର ଜିରୋଙ୍ଗିରେ ଏଚବିଟି ମହିଳାଙ୍କ ଅଧିକାର ଏବଂ ଆଇନଗତ ସଚେତନତା ସମ୍ପର୍କରେ ଏକ ଗୋଷ୍ଠୀଭିତ୍ତିକ ତାଲିମ କାର୍ଯ୍ୟକ୍ରମ ଆୟୋଜନକୁ ସୁଗମ କରାଇଥିଲା । ଏହି ଆନ୍ତଃ କି୍ରୟାଭିମୁଖୀ ଆଲୋଚନାରେ ୪୫ କିଶୋରୀ ବାଳିକା ଏବଂ ମହିଳା ଅଂଶଗ୍ରହଣ କରିଥିଲେ ଏବଂ ସେମାନେ ଘରୋଇ ହିଂସା ଏବଂ ଅନ୍ୟ ଲିଙ୍ଗ-ଭିତ୍ତିକ ହିଂସାର ମୁକାବିଲା ନିମନ୍ତେ ପ୍ରସ୍ତୁତ ଶିକ୍ଷଣୀୟ ଭିଡିଓ ଦେଖିଥିଲେ ।
ଉକ୍ତ କାର୍ଯ୍ୟକ୍ରମରେ ମହିଳା ଓ ବାଳିକାମାନଙ୍କୁ ଅନ୍ୟାୟ ଏବଂ ପାତର ଅନ୍ତରରୁ ସୁରକ୍ଷା ପ୍ରଦାନ ନିମନ୍ତେ ଡିଜାଇନ କରାଯାଇଥିବା ବିଭିନ୍ନ ଆଇନ ସମ୍ପର୍କରେ ଆଇନଗତ ସଚେତନତା ସୃଷ୍ଟି ଉପରେ ଗୁରୁତ୍ୱ ଦେଇଥିଲା । ଅନ୍ତରଙ୍ଗ ସାଥୀଙ୍କ ଦ୍ୱାରା ହିଂସା ଭଳି ସମସ୍ୟାଗୁଡିକର ମୁକାବିଲା ଏବଂ ଆଇନଗତ ସଚେତନତା ବ୍ୟବସ୍ଥାକୁ ସୁଦୃଢ କରି ଏହି ସଂଗଠନ ଏକ ନିରାପଦ, ଅଧିକ ସମତାଭିତ୍ତିକ ଗୋଷ୍ଠୀ ନିର୍ମାଣ ନିମନ୍ତେ ଲକ୍ଷ୍ୟ ରଖିଛି । ଏହି ପ୍ରୟାସଗୁଡିକ ଗୋଷ୍ଠୀଗୁଡିକୁ ଏକତ୍ରିତ କରିବା, ରକ୍ଷା ପାଇଥିବା ମହିଳା ଓ ବାଳିକାମାନଙ୍କୁ ସଶକ୍ତ କରିବା ଏବଂ ଲିଙ୍ଗ-ଭିତ୍ତିକ ହିଂସାର ସ୍ଥାୟୀ ସମାଧାନକୁ ପ୍ରୋତ୍ସାହିତ କରିବା ନିମନ୍ତେ ଏକ ବୃହତ୍ତର ଅଭିଯାନର ଅଂଶବିଶେଷ ହୋଇଛି ।
