୨୫ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ଆଥେଲେଟିକ୍ ଆସୋସିଏସନ ଆନୁକୁଲ୍ୟରେ ସ୍ୱର୍ଗତ ଲକ୍ଷ୍ମୀଧର ବେହେରାଙ୍କ ସ୍ମୃତି ଉଦ୍ଦେଶ୍ୟରେ ଚାଲିଥିବା କ୍ରିକେଟ ଟୁର୍ଣ୍ଣାମେଣ୍ଟର ଦ୍ୱିତୀୟ ଦିନର ଖେଳ ବାଙ୍କୀ ଆଥେଲେଟିକ୍ ଆସୋସିଏସନ ଓ ପିୱାଇସି ଅଟ୍ରି ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମ ଟସ୍ରେ ବାଙ୍କୀ ଆଥେଲେଟିକ୍ ଆସୋସିଏସନ ବିଜୟୀ ହୋଇ ନିର୍ଦ୍ଧାରିତ ୨୦ଓଭରରେ ୮ୱିକେଟ ହରାଇ ୨୩୯ରନ ସଂଗ୍ରହ କରିଥିଲା । ଦଳତରଫରୁ ଜେଡି ରାଉତ ୩୯ ବଲରେ ୮୨ରନ ଏବଂ ସାଗର ବେହେରା ୧୬ବଲ୍ରୁ ୩୮ରନ୍ କରିଥିଲେ ।
ବଦଳରେ ପିୱାଇସି ଅଟ୍ରି ୨୪୦ରନ୍ ତା’ର ମୂଲ୍ୟବାନ ୫ଗୋଟି ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରିଛନ୍ତି । ଦଳତରଫରୁ ପପୁ ଚାନ୍ଦ ୨୮ବଲରୁ ୬୩ରନ୍ ସଂଗ୍ରହ କରି ମ୍ୟାନଅଫ୍ ଦି ମ୍ୟାଚ୍ ବିବେଚିତ ହୋଇଥିଲେ । ବାଙ୍କୀ ବ୍ଲକ ବୈଦ୍ୟେଶ୍ୱର ଜୋନର ଜିଲ୍ଲାପରିଷଦ ସଭ୍ୟ ସଂଜୟ ପାତ୍ର ଅତିଥି ଭାବେ ଯୋଗଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଆଜିର ଖେଳକୁ ବସନ୍ତ ଦାଶ ଓ କେଶବ ମଙ୍ଗୁଆଳ ପରିଚାଳନା କରିଥିଲେ । ଆସନ୍ତାକାଲିର ଖେଳ ରାଇଜିଂ ଷ୍ଟାର୍ କୁମାରବସ୍ତ ଓ ଡମଣଗାଡିଆ କଟକ ମଧ୍ୟରେ ଅନୁଷ୍ଠିତ ହେବ ବୋଲି କ୍ରିକେଟ ସଂପାଦକ ସତ୍ୟରଞ୍ଜନ ସାହୁ ପ୍ରକାଶ କରିଥିଲେ ।
