୨୫ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-.> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟରେ ଆସ୍ଥା ଶିକ୍ଷା ଟ୍ରଷ୍ଟ ଆନୁକୁଲ୍ୟରେ ପିପିପି ମୋଡ୍ରେ ଖୋଲିଥିବା ବୃତ୍ତିଗତ ସେଲ୍ଫ ଫାଇନାନ୍ସ୍ ପାଠ୍ୟକ୍ରମରେ ନାମ ଲେଖାଇଥିବା ନୂତନ ଛାତ୍ରଛାତ୍ରୀମାନଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଏହି ସମ୍ବର୍ଦ୍ଧନା ଉତ୍ସବରେ ବୃତ୍ତିଗତ ସେଲ୍ପ୍ ପାଇନାନ୍ସ୍ ପାଠ୍ୟକ୍ରମର ସଂଯୋଜକ ଅଧ୍ୟାପକ ଆଶିଷ କୁମାର ପାଢୀ ସଭାପତିତ୍ୱ କରିବା ସହିତ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ମୁଖ୍ୟଅତିଥି ଭାବେ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଯୋଗଦାନ କରି ଏହି ପାଠ୍ୟକ୍ରମ ଶେଷ କରିବା ପରେ ନିଶ୍ଚିତ ଭାବେ ଛାତ୍ରଛାତ୍ରୀମାନେ ଚାକିରି କିମ୍ବା ବ୍ୟବସାୟ କ୍ଷେତ୍ରରେ ନିଯୁକ୍ତି ପାଇପାରିବେ ବୋଲି ପ୍ରକାଶ କରିଥିଲେ ।
ଭଲପାଠ ପଢ଼ି କଲେଜର ସୁନାମ ରକ୍ଷା ପାଇଁ ଅଧ୍ୟକ୍ଷ ଡକ୍ଟର ମହାନ୍ତି ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ । ମୁଖ୍ୟବକ୍ତା ଭାବେ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ବୃତ୍ତିଗତ ସେଲ୍ଫ୍ ପାଇନାନ୍ସର ଖୋଲିଥିବା ୬ଗୋଟି ବିଷୟ ଆତ୍ମନିଯୁକ୍ତି ଏବଂ ସରକାରୀ କ୍ଷେତ୍ରରେ ନିଯୁକ୍ତିର ସୁଯୋଗ ଆଣିବ ବୋଲି କହିଥିଲେ । ସମ୍ମାନିତ ଅତିଥି ଭାବେ ସ୍ନାତକୋତ୍ତର ସଂଯୋଜକ ଡକ୍ଟର ଶଶିଭୂଷଣ ମହାପାତ୍ର, ବରିଷ୍ଠ ପ୍ରାଧ୍ୟାପକ ପ୍ରମୋଦ କୁମାର ପଣ୍ଡା, ଡକ୍ଟର ଶ୍ରୀକାନ୍ତ ଦାସ, ଅଧ୍ୟାପିକା ଅର୍ପିତା ଅପରଜିତା, ଡକ୍ଟର ମାନସ ମହାପାତ୍ର, ଅଧ୍ୟାପକ ଜଗନ୍ନାଥ ଦଳେଇ ଅଧ୍ୟାପିକା ସିନ୍ଧୁବାଳା ପଣ୍ଡା ଓ କିରଣ ସାହୁ ପ୍ରମୁଖ ଯୋଗଦାନ କରି ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ କରିବା ସହିତ ସେମାନଙ୍କର ଭବିଷ୍ୟତ ଜୀବନ ଉଜ୍ଜ୍ୱଳମୟ ହେଉ ବୋଲି କହିଥିଲେ । ଅଧ୍ୟାପିକା ଜ୍ଞାନଦା ରଣା ଧନ୍ୟବାଦ ଅର୍ପଣ କରିଥିଲେ । ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।
