୨୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ସ୍ନାତକତ୍ତୋର ପ୍ରାଣୀବିଜ୍ଞାନ ବିଭାଗ ଆନୁକୁଲ୍ୟରେ ଛାତ୍ରଛାତ୍ରୀମାନଙ୍କର ଏକ ସମାବେଶ ଅନୁଷ୍ଠିତ ହେବା ସହ ନବାଗତ ଛାତ୍ରଛାତ୍ରୀମାନଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଛି । ଆୟୋଜିତ କାର୍ଯ୍ୟକ୍ରମରେ ବିଭାଗୀୟ ମୁଖ୍ୟ ପ୍ରାଧ୍ୟାପକ ନିରଞ୍ଜନ ରାଉତରାୟ ସଭାପତିତ୍ୱ କରି ଏହି ସମାବେଶକୁ ସମ୍ବୋଧନ କରିଥିଲେ । ମୁଖ୍ୟଅତିଥି ଭାବେ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଯୋଗଦାନ କରି ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ କରିବା ସହ ଏହି ବିଭାଗକୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବ ବୋଲି କହିଥିଲେ ।
ବିଶିଷ୍ଟ ଅତିଥି ଭାବେ ପୂର୍ବତନ ବିଭାଗୀୟ ମୁଖ୍ୟ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ବିଭାଗର ଐତିହ୍ୟ ଓ ଇତିହାସ ସଂପର୍କରେ ଆଲୋକପାତ କରିଥିଲେ । । ସମ୍ମାନିତ ଅତିଥି ଭାବେ ଡକ୍ଟର ଶଶିଭୂଷଣ ମହାପାତ୍ର ଓ ଅଧ୍ୟାପକ ଶ୍ୟାମଲାଲ୍ ଭୋଏ ଯୋଗଦାନ କରି ନବାଗତ ଛାତ୍ରଛାତ୍ରୀମାନେ ଏହି ବିଭାଗର ସଂପଦ କହିବା ସହିତ ଭଲ ପାଠ ପଢ଼ି କଲେଜର ସୁନାମ ରଖିବା ପାଇଁ ପରାମର୍ଶ ଦେଇଥିଲେ । ପାଠଚକ୍ର ସମ୍ପାଦିକା ଲିଲିମା କାଣ୍ଡି ବିବରଣୀ ପାଠ କରିଥିଲେ । ସହ ପାଠଚକ୍ର ସଂପାଦିକା ଲିପିକା ଶତପଥୀ ଧନ୍ୟବାଦ ଦେଇଥିବା ବେଳେ ଅନ୍ୟତମ ସହସଂପାଦକ ଋଦ୍ର ପ୍ରତାପ ଜେନା ପରିଚାଳନା କରିଥିଲେ ।
