ବାଙ୍କୀ ଏନ୍‌.ଏ.ସି ପକ୍ଷରୁ ବଡଖାନା ଅନୁଷ୍ଠିତ

୨୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ )  ବାଙ୍କୀ  :-> ବାଙ୍କୀ ଏନ୍‌.ଏ.ସି ପକ୍ଷରୁ ପରିମଳ କାର୍ଯ୍ୟରେ ନିୟୋଜିତ କର୍ମଚାରୀଙ୍କୁ ନେଇ ବଡଖାନା ଅନୁଷ୍ଠିତ ହୋଇଥିଲା । ପରିଷଦର ବାତ୍ୟା ଆଶ୍ରୟ ସ୍ଥଳରେ ଆଜି ଏହି କାର୍ଯ୍ୟକ୍ରମରେ ବିଧାୟକ ଦେବୀରଞ୍ଜନ ତ୍ରିପାଠୀ ମୁଖ୍ୟଅତିଥି ଭାବେ ଯୋଗଦେଇ ବାଙ୍କୀ ସହରାଞ୍ଚଳକୁ ସଫାସୁତରା କରିବାରେ ଯେଉଁ କର୍ମଚାରୀ ଭାଇଭଉଣୀ, ଝାଡୁଦାର, ସ୍ୱଚ୍ଛସାଥୀ, ସୁପରଭାଇଜର ଓ ଡ୍ରାଇଭର ସହଯୋଗକରିଛନ୍ତି ସେମାନଙ୍କୁ ଧନ୍ୟବାଦ ପ୍ରକାଶ କରି ଅଭିନନ୍ଦନ ଜଣାଇଥିଲେ ।ଏହି କାର୍ଯ୍ୟକ୍ରମରେ ନଗରପାଳ ମାରିକ ସାହୁ ସଭାପତିତ୍ୱ କରିଥିଲେ । କାର୍ଯ୍ୟକ୍ରମରେ ଉପନଗରପାଳ ସନ୍ତୋଷ କୁମାର ରଣା ସମସ୍ତ ପାରିଷଦ ସଭ୍ୟ ଓ କର୍ମଚାରୀ , ଓ ସଫେଇ କାର୍ଯ୍ୟରେ ନିୟୋଜିତ କର୍ମଚାରୀ , ସ୍ୱଚ୍ଛସାଥୀ, ସୁପରଭାଇଜର, ଡ୍ରାଇଭର ଓ ପରିମଳ ସୁପରଭାଇଜର୍ ଯୋଗଦାନ କରିଥିଲେ । ଏହି ଅବସରରେ ବିଧାୟକ ଶ୍ରୀ ତ୍ରିପାଠୀ ସମସ୍ତ ସଫେଇ କର୍ମଚାରୀମାନଙ୍କୁ ଖାଦ୍ୟବଣ୍ଟନ କରିଥିଲେ । ଶେଷରେ ନିର୍ବାହୀ ଅଧିକାରୀ ସଂପଦ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।