୧୬ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଜଗତସିଂହପୁର :-> ବିରିଡି ବ୍ଲକ ଅନ୍ତର୍ଗତ ଉକୁନ୍ଦରା ପଞ୍ଚାୟତର ରଘୁନାଥପୁର ଯୁବ ଯାଦବ ସଙ୍ଘ ପକ୍ଷରୁ ସ୍ଥାନୀୟ ଧବଳେଶ୍ୱର ମନ୍ଦିରରେ ପଞ୍ଚୁକ ଓ ବଡ ଓଷା ପାଳନ ହୋଇଯାଇଛି l ଏହି ଉପଲକ୍ଷେ ଶୁକ୍ରବାର ପୀଠରେ ପୂଜା ପାଠ ସହ କଟକ ର ଶରଧା ବାଲି ଭଜନ ସନ୍ଧ୍ୟା ର କଳାକାର ମାନେ ଭଜନ ପରିବେଷଣ କରିଥିଲେ l
ତିର୍ତୋଲ ବିଧାୟକ ଡ଼. ରମାକାନ୍ତ ଭୋଇ ମୁଖ୍ୟ ଅତିଥି ଭାବେ ଯୋଗଦେଇଥିଲାବେଳେ ବରେଣ୍ୟ ଅତିଥି ଭାବେ ଜିଲ୍ଲାପରିଷଦ ସଭ୍ୟ ଚନ୍ଦ୍ରଶେଖର ଦାଶ, ବାବା ସଦାନନ୍ଦ ମହାରଣା, ସମାଜ ସେବୀ ନରେନ୍ଦ୍ର କୁମାର ସ୍ୱାଇଁ, ବାମଦେବ ବେହେରା ଯୋଗ ଦେଇ ବାବା ଧବଳେଶ୍ୱର ଙ୍କ ମହିମା ଉପରେ ବିସ୍ତୃତ ଆଲୋଚନା କରିଥିଲେ l
କାର୍ଯ୍ୟକ୍ରମକୁ ପରିଚାଳନା କରିଥିଲେ ଆଇନୀଜୀବୀ ରଶ୍ମୀକାନ୍ତ ବେହେରା l ପୀଠର ଉନ୍ନତି ପାଇଁ ବାମଦେବ ବେହେରା ବିଧାୟକଂ ଦୃଷ୍ଟି ଆକର୍ଷଣ କରିଥିଲେ l ଶେଷରେ ଗ୍ରାମର ମୁରବି ମାନଙ୍କୁ ଅତିଥି ମାନେ ସମ୍ବର୍ଦ୍ଧିତ କରିଥିଲେ l ଏଠାରେ ବହୁ ଭକ୍ତ ଶ୍ରଦ୍ଧାଳୁ ଙ୍କ ସମାଗମ ହୋଇଥିଲା l
