୧୫ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଚିଲିକା :-> ଚିଲିକା ବ୍ଲକ ଅନ୍ତର୍ଗତ ଗଙ୍ଗାଧର ପୁର ଶାସନ ରେ ବିଜେ ଶ୍ରୀ ବାଲୁଙ୍କେଶ୍ବର ଦେବଙ୍କ ପୀଠରେ କାର୍ତ୍ତିକ ପୂର୍ଣ୍ଣିମା ଉତ୍ସବ ମହା ସମାରୋହରେ ଅନୁଷ୍ଠିତ ହୋଇ ଯାଇଛି । ବହୁ ସଂଖ୍ୟା ରେ କାର୍ତ୍ତିକ ବ୍ରତ ଧାରୀ ଏବଂ ଶ୍ରଦ୍ଧାଳୁ ମାନଙ୍କ ସମାରୋହ ସାରା ଦିନ ଲାଗି ରହିଥିଲା । ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମରେ ସ୍ଥାନୀୟ କଳାକାର ମାନଙ୍କ ଦ୍ବାରା ଭଜନ ସମାରୋହ ଅନୁଷ୍ଠିତ ହୋଇଥିଲା ଏବଂ ଉତ୍କଳିକା ସଙ୍ଗୀତ ଏକାଡେମୀ, ନାଚୁଣୀ ର ଛାତ୍ରୀ ମାନଙ୍କ ଦ୍ଵାରା ଓଡ଼ିଶୀ ଓ ଵିହୁ ନ୍ରୃତ୍ୟ ପରିବେଷିତ ହୋଇଥିଲା ।
ଏହି କାର୍ଯ୍ୟକ୍ରମକୁ ଚିଲିକା ବ୍ଲକ ର ପ୍ରାକ୍ତନ ଅଧ୍ୟକ୍ଷ ଲଳିତ ମୋହନ ପଟ୍ଟନାୟକ,କାଙ୍କଣ । ଶିଖରୀ ଉନ୍ନୟନ କମିଟିର ର ସମ୍ପାଦକ ସୁଶାନ୍ତ କୁମାର ସାହୁ ପ୍ରମୁଖ ମାନ୍ୟଗଣ୍ୟ ଅତିଥି ଭାବେ ଯୋଗଦେଇ ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ ଶିକ୍ଷକ ଶିବପ୍ରସାଦ ତ୍ରିପାଠୀ ଏବଂ ପ୍ରଧାନ ଶିକ୍ଷକ ସୀତାକାନ୍ତ ନନ୍ଦ କାର୍ଯ୍ୟକ୍ରମ ର ସନ୍ ଯୋଜନା କରିଥିଲେ । ମନ୍ଦିରରେ ପରିଚାଳନା କମିଟି ଟ୍ରଷ୍ଟି ଆଇନଜୀବୀ ପ୍ରଦୀପ୍ତ କୁମାର ନନ୍ଦ ସାମଗ୍ରିକ ପରିଚାଳନା କରିଥିଲେ। ଏହି ଅବସରରେ ରତନପୁର ରୁ ଆଗତ କଣ୍ଠଶିଳ୍ପୀ ମାନଙ୍କୁ ସମ୍ମାନିତ କରା ଯାଉଥିଲା ଏବଂ ଉତ୍କଳିକା ସଙ୍ଗୀତ ଏକାଡେମୀ ର ଓଡ଼ିଶୀ ଗୁରୁ ଶ୍ରୀ ମତୀ ବିଜୟଲକ୍ଷ୍ମୀ ବଳିୟାର ସିଂହ ଏବଂ ତାଙ୍କର ଛାତ୍ରୀ ମାନଙ୍କୁ ମଧ୍ୟ ପ୍ରମାଣପତ୍ର ଓ ଉପଢ଼ୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା ।
