୧୫ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା ଜିଲ୍ଲା :-> ବଡପଦର କଉଡିଖଣି ଜଗତୀ ପାହାଡ଼ ଜଗନ୍ନାଥ ମନ୍ଦିର ପରିସରରେ ଅଟଳ ବିହାରୀ ହରିଚନ୍ଦନଙ୍କ ସୌଜନ୍ୟତାରେ ତୁଳସୀ ବିବାହ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ କର୍ତ୍ତା ରୂପେ ବିରଞ୍ଚି ନାରାୟଣ ପ୍ରସାଦ ନାୟକ ଓ ତାଙ୍କ ଧର୍ମପତ୍ନୀ ସବିତା ମଞ୍ଜରୀ ନାୟକ କାର୍ଯ୍ୟ ସଂପାଦନ କରିଥିଲେ । ଜାଗୃତିକାର ଉପଦେଷ୍ଟା ଦକ୍ଷିଣ କେଶରୀ ରାମଚନ୍ଦ୍ର କର, ସଭାପତି ପୂର୍ବତନ ପ୍ରାଧ୍ୟାପକ ଗଙ୍ଗାଧର ପ୍ରଧାନ, ପୂର୍ବତନ ଏଵିଡିଓ କାଳୁ ଚରଣ ସାମନ୍ତରାୟ,ପ୍ରଵଚିକା ବାସନ୍ତୀ ଦେଇ,
ପ୍ରବଚକ ଭବାନୀ ଶଙ୍କର ମହାପାତ୍ର, ସେବା ନିବୃତ ଶିକ୍ଷକ ପଠଣୀ ବଳବନ୍ତରାୟ, ଜାଗୃତିକାର ସମସ୍ତ ସଦସ୍ୟ ଓ ଅଟଳବାବୁଙ୍କ ପରିବାର ବର୍ଗ ଯୋଗ ଦେଇଥିଲେ । ଜଗନ୍ନାଥଙ୍କ ସହିତ ତୁଳସୀ ଦେଵୀଙ୍କ ବିଵାହ ସମସ୍ତ ବିଧି ବିଧାନ ଔପଚାରିକ ପଦ୍ଧତିରେ ପଣ୍ଡିତ ଅଗ୍ନି କୁମାର ପାଟ୍ଟଯୋଷୀ ସଂପର୍ଣ୍ଣ କରିଥିଲେ । ସମସ୍ତ ଶ୍ରଦ୍ଧାଳୁମାନେ ବିଶ୍ଵର ମଙ୍ଗଳ କାମନା କରି ମହାପ୍ରଭୁଙ୍କ ନିକଟରେ ଏକ ଶହ ଆଠ ପ୍ରଦୀପ ପ୍ରଜ୍ବଳନ କରିଥିଲେ ।
