୧୩ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) କୋଣାର୍କ :-> କୋଣାର୍କ ଅବକାରୀ ପୋଲିସ୍ ପକ୍ଷରୁ ବୁଧବାର ପୁରୀ କୋଣାର୍କ ମେରାଇନ ଡ୍ରାଇଭ୍ ରାସ୍ତା ଟିକନା ଛକ ନିକଟରେ ଚଢାଉ କରି ବେଆଇନ୍ ଦେଶୀ ମଦ ବିକୁଥିବା ଅଭିଯୋଗରେ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଜିଲ୍ଲା ଅବକାରୀ ଅଧିକ୍ଷକ ଶ୍ରୀଯୁକ୍ତ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ କୋଣାର୍କ ଅବକାରୀ ଅଧିକାରୀ ମନୋଜ କୁମାର ପୂର୍ସେଟ ଙ୍କ ନେତୃତ୍ୱରେ ଏକ ଟିମ୍ ବେଆଇନ ଦେଶୀ ମଦ କାରବାର କରୁଥିବା ଖବର ପାଇ ଚଢ଼ାଉ କରିଥିଲେ ଟିକନା ଛକ ନିକଟରେ ଚଢାଉ କରିଥିଲେ ।
୧୦ଲିଟର ଦେଶୀ ମଦ ଜବତ କରିବା ସହିତ ଅଭିଯୁକ୍ତ ସର୍ବେଶ୍ଵର ରାଉତଙ୍କୁ ଗିରଫ କରିଛି।ଏନେଇ ଅବକାରୀ ଥାନା ପକ୍ଷରୁ ୭୪/୨୪-୨୫ ଏକ ମାମଲା ରୁଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ଚଢାଉ ସମୟରେ ଅବକାରୀ କର୍ମଚାରୀ ଶେଖ୍ ୱାରିସ ଓ ସବିତା ସାହୁ ଉପସ୍ଥିତ ଥିଲେ ।
