୧୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :-> ନୟାଗଡ ଜିଲ୍ଲା ନୂଆଗାଁ ବ୍ଲକ୍ ସଦରମହକୁମାରେ ଥିବା ନୂଆଗାଁ ପ୍ରାଥମିକ ବିଦ୍ୟାଳୟ ପଡ଼ିଆରେ ୨୯ ତମ ମଣ୍ଡଳସ୍ତରୀୟ ବାଲ ବୈଜ୍ଞାନିକ ପ୍ରଦର୍ଶନୀ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ବିଜ୍ଞାନ ମେଳାରେ ୧୧୮ ଟି ପ୍ରକଳ୍ପ ନେଇ ବ୍ଲକ୍ ରୁ ଛାତ୍ର ଛାତ୍ରୀ ମାନେ ପ୍ରଦର୍ଶନ କରିଥଲେ।ବ୍ଲକ୍ ଶିକ୍ଷା ଅଧିକାରୀ ତଥା ବିଜ୍ଞାନ ମେଳା କମିଟି ସଭାପତି ଭକ୍ତି ବିନୋଦ ସଲ ଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ଦୈନନ୍ଦିନ ଜୀବନରେ ବିଜ୍ଞାନର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ବିଜ୍ଞାନ ଯୋଗୁ ପିଲାମାନଙ୍କ ମଧ୍ୟରେ ଅନ୍ଧବିଶ୍ୱାସ ଦୂର ହେବାସହ କୌଣସି ବିଷୟକୁ ଅନ୍ଧ ବିଶ୍ବାସ ସହକାରେ ଗ୍ରହଣ ନକରି କାରଣ ଖୋଜୁଛନ୍ତି ।
ପରିବେଶ ଉପଯୋଗୀ ବିଜ୍ଞାନ ପ୍ରଯୁକ୍ତି ବିଦ୍ୟା କଣ ସେ ଉପରେ ବିସ୍ତୃତ ଭାବେ ବୁଝାଇଥିଲେ ଦଶପଲ୍ଲା ବିଧାୟକ।ସମ୍ମାନୀତ ଅତିଥି ଭାବେ ବ୍ଲକ୍ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା,ଜିଲ୍ଲା ପରିଷଦ ସଭ୍ୟା ପ୍ରତିମା ଦଳବେହେରା, ନୂଆଗାଁ ସରପଞ୍ଚ ଅମିତା ପରିଡ଼ା, ପାରାଢିପି ସରପଞ୍ଚ ବିଭୂତି ଭୂଷଣ ପ୍ରଧାନ, ଏ ବି ଇ ଓ ଜ୍ୟୋସ୍ନାରାଣୀ ସେଠୀ,କବିତା କୁମାରୀ ଦାଶ,ନୂଆଗାଁ ହାଇସ୍କୁଲ୍ ପ୍ରଧାନ ଶିକ୍ଷକ ଭୀମସେନ ଦାସ ପ୍ରମୁଖ ଯୋଗ ଦେଇଥିଲେ। ୭ ଟି ପ୍ରକଳ୍ପ ଜିଲ୍ଲା ସ୍ତରକୁ ମନୋନୀତ ହୋଇଥିବା ବେଳେ ବିଚାରକ ଭାବେ ପ୍ରତାପ କୁମାର ଶତପଥୀ,ସସ୍ମିତା ଦାସ ଯୋଗ ଦେଇଥିଲେ।
ବ୍ଲକ୍ ସ୍ତରରେ ତୃତୀୟ ରୁ ପଞ୍ଚମ ଶ୍ରେଣୀ ମଧ୍ୟରେ ସରକାରୀ ପ୍ରାଥମିକ ବିଦ୍ୟାଳୟ କୋରଡ଼ା ର କୁନି ବୈଜ୍ଞାନିକ ଆଦ୍ୟସା ପ୍ରିୟଦର୍ଶିନୀ, ସରକାରୀ ପ୍ରାଥମିକ ବିଦ୍ୟାଳୟ ଥୁଆବାରୀର କୁନି ବୈଜ୍ଞାନିକ ଦୁର୍ଗାପ୍ରସାଦ ସେଠୀ, ରାମେଶ୍ବର ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ, ଖାଲମଡା ର କୁନି ବୈଜ୍ଞାନିକ ଶୁଭଙ୍କର ସାହୁ ଏବଂ ଜିଲ୍ଲା ସ୍ତରକୁ ମନୋନୀତ ହୋଇଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଘଡେଇବନ୍ଧ କୁନି ବୈଜ୍ଞାନିକ ରାଜଲକ୍ଷ୍ମୀ ଓଡନ୍ଦରା,ସରକାରୀ ଉଚ୍ଚ ବିଦ୍ୟାଳୟ ଡିମିରି ପଲ୍ଲୀ ର କୁନି ବୈଜ୍ଞାନିକ ଜେଫତ ମାଝୀ, ସରକାରୀ ଉଚ୍ଚ ବିଦ୍ୟାଳୟ
,ନୂଆଗାଁ ର କୁନି ବୈଜ୍ଞାନିକ ଶିବାନୀ ପ୍ରଧାନ,ଜନଶକ୍ତି ଉଚ୍ଚ ବିଦ୍ୟାଳୟ ଚାହାଳି ର କୁନି ବୈଜ୍ଞାନିକ ଶକ୍ତି ପ୍ରକାଶ ନାୟକ, ଜଗନ୍ନାଥ ପ୍ରସାଦ ଉଚ୍ଚ ବିଦ୍ୟାଳୟ ର କୁନି ବୈଜ୍ଞାନିକ ବିଶ୍ବଭୂଷଣ ହରିଚନ୍ଦନ,ଓଡ଼ିଶା ଆଦର୍ଶ ବିଦ୍ୟାଳୟ ନୂଆଗାଁ ର କୁନି ବୈଜ୍ଞାନିକ ଲୋପାମୁଦ୍ରା ପ୍ରଧାନ, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦେଉଳୀ ର କୁନି ବୈଜ୍ଞାନିକ ବିକ୍ରମ ତ୍ରିପାଠୀ ଙ୍କୁ ମୁଖ୍ୟ ଅତିଥି ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ପୁରସ୍କାର ପ୍ରଦାନ କରିଥିଲେ । ସେହିପରି ଉଦଘାଟନୀ କାର୍ଯ୍ୟକ୍ରମ ରେ ସାଂସଦ ଙ୍କ ପ୍ରତିନିଧି ଭୀମସେନ ସେଠୀ ,ବିଡ଼ିଓ , ତହସିଲଦାର,ବ୍ଲକ୍ ଉପାଧ୍ୟକ୍ଷ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ କୁ ଶିକ୍ଷକ ବିନାୟକ ପରିଡ଼ା,ସି ଆର୍ ସି ସି ଶ୍ରୀନିବାସ ରଥ ,କୈଳାଶ ନାୟକ ,ଶିକ୍ଷୟତ୍ରୀ କବିତା ପ୍ରଧାନ ପରିଚାଳନା କରିଥିବା ବେଳେ ବିଜ୍ଞାନ ମେଳା ର ବିଭିନ୍ନ କମିଟିରେ ଥିବା ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିଲେ ।
