୧୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ପୁରୀ :-> ବର୍ଷ ପାଇଁ ପୁରୀ ଜିଲ୍ଲାର ଗୋପ ବ୍ଲକ ଅନ୍ତର୍ଗତ ସବୁଜ ସଂକଳ୍ପ , ଗଳଦରି ସଂଗଠନକୁ ଓଡ଼ିଶା ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରାଳୟ ତରଫରୁ ‘ପ୍ରକୃତି ମିତ୍ର’ ପୁରସ୍କାରରେ ସମ୍ମାନିତ କରାଯାଇଛି । ସବୁଜ ସଂକଳ୍ପ ଗୋପ ବ୍ଲକ ତଥା ପୁରୀ ଜିଲ୍ଲା ର ପରିବେଶ ସୁରକ୍ଷା, ପ୍ରାକୃତିକ ସମ୍ପଦ ସଂରକ୍ଷଣ ଏବଂ ସମ୍ପ୍ରଦାୟିକ ଚେତନା ଉତ୍ତୋଳନରେ ଅଦ୍ୱିତୀୟ ଅବଦାନ ରଖିଛି । ଏହି ସଂଗଠନର କାର୍ଯ୍ୟର ଉଦାହରଣ ସ୍ଥାନୀୟ ମାନ୍ୟତା ଓ ପ୍ରଶଂସା ଯୋଗ୍ୟ ଅତୁଟ ପ୍ରଚେଷ୍ଟାର ପରିଣାମ ।
ପୁରୀର ଡିଭିଜନ ଫରେଷ୍ଟ ଅଫିସ ଦ୍ବାରା ବାଲୁଖଣ୍ଡ ରେ ଏହି ସମାରୋହର ଆୟୋଜନ କରାଯାଇଥିଲା । ଏହି ସଭାରେ DFO ଶ୍ରୀ ବିବେକ କୁମାର ପୁରସ୍କାର ବିତରଣ କରିଥିଲେ । ସଂଗଠନର ସଭାପତି ଶ୍ରୀ ରମେଶ ବେହେରା ପୁରସ୍କାର ଗ୍ରହଣ କରିଥିଲେ । ଏହା ସହିତ, ସଂଗଠନର ସଚିବ ଶ୍ରୀ ରମାକାନ୍ତ ପାଣି, କୋଷାଧ୍ୟକ୍ଷ ଶ୍ରୀ କାହ୍ନୁଚରଣ ପ୍ରଧାନ, ଏବଂ ଅନ୍ୟାନ୍ୟ କାର୍ଯ୍ୟକର୍ତ୍ତା ମାନେ ଏହି ଅବସରରେ ଅଂଶଗ୍ରହଣ କରିଥିଲେ ।
