୪ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ବିଜୁଜନତାଦଳ ପକ୍ଷରୁ ଆଜି ଏନ୍.ଏ.ସି ଅନ୍ତର୍ଗତ ଶିଶଆ ଗ୍ରାମ ଠାରୁ ପଦଯାତ୍ରା ଆରମ୍ଭ ହୋଇଥିଲା । ଶିଶୁଆ ଗ୍ରାମ ଠାରେ ସ୍ଥାପିତ ପୂର୍ବତନ ମନ୍ତ୍ରୀ ତଥା ବରିଷ୍ଠ ରାଜନେତା ସ୍ୱର୍ଗତ ଡାକ୍ତର ଯୋଗେଶ ଚନ୍ଦ୍ର ରାଉତଙ୍କ ପ୍ରତିମୂର୍ତ୍ତିରେ ବିଧାୟକ ଦେବୀରଞ୍ଜନ ତ୍ରିପାଠୀ ପୁଷ୍ପାଞ୍ଜଳି ଅର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ବାଙ୍କୀ ଏନ୍.ଏ.ସି , ବାଙ୍କୀ ଓ ଡମପଡ଼ା ବ୍ଲକର ବିିଭିନ୍ନ ୱାର୍ଡର ହଜାର ହଜାର ବିଜୁ ପ୍ରେମୀ ପଦଯାତ୍ରାରେ ସାମିଲ୍ ହୋଇଥିଲେ । ବିଧାୟକ ଦେବୀରଞ୍ଜନ ତ୍ରିପାଠୀ ଏହି ପଦଯାତ୍ରାର ଶୁଭାରାମ୍ଭ କରି ମୁଖ୍ୟରାସ୍ତାରେ ପଦଯାତ୍ରା କରି କଚେରୀ ପଡିଆରେ ଥିବା ପ୍ରବାଦ ପୁରୁଷ ସ୍ୱର୍ଗତ ବିଜୁ ପଟ୍ଟନାୟକଙ୍କ ପୂର୍ଣ୍ଣାୟବ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ସେଠାରୁ ବିଧାୟକ ଶ୍ରୀ ତ୍ରିପାଠୀଙ୍କ ନେତୃତ୍ୱରେ କର୍ମୀମାନେ ପଦଯାତ୍ରାରେ ଯାଇ ବାଙ୍କୀ ସହର ମେଡିକାଲ୍ ଛକ ଠାରେ ପହଞ୍ôଚଥିଲେ ।
କଟକ ଜିଲ୍ଲା ବିଜେଡି ସଂପାଦକ ସନାତନ ବେହେରା, ବରିଷ୍ଠ ଆଇନଜୀବୀ ପ୍ରଦୀପ କୁମାର ପୃଷ୍ଟି, କେନ୍ଦ୍ରୀୟ ଜୋନ୍ ଜିଲ୍ଲାପରିଷଦ ସଦସ୍ୟା ମିନତୀ ମହାପାତ୍ର, ଷ୍ଟାଡିଙ୍ଗ୍ କମିଟି ଅଧ୍ୟକ୍ଷ ଆଶିଷ କୁମାର ସାହୁ, ସଂଜୟ ପାତ୍ର, ଆର୍ତ୍ତତ୍ରାଣ ସ୍ୱାଇଁ, ଅନନ୍ତ ଦାସ, କେନ୍ଦ୍ର ସମବାୟ ସଭାପତି ସୁବାସ ପାଢ଼ୀ, ନଗର ବିଜେଡି କାର୍ଯ୍ୟକାରୀ ସଭାପତି ଭାଗୀରଥି ବିଶ୍ୱାଳ, ଶ୍ରୀନିବାସ ବେହେରା ପ୍ରଭୃତି ବହୁ ଆଗଧାଡିର ନେତୃ ମଣ୍ଡଳୀ ସେମାନଙ୍କର ବକ୍ତବ୍ୟ ରଖିଥିଲେ । ଶେଷରେ ଏନ୍.ଏ.ସିର ପୂର୍ବତନ ଉପନଗରପାଳ ପ୍ରିତିଲତା ଗିରି ଧନ୍ୟବାଦ ଅର୍ପଣ କରିଥିଲେ ।
