୪ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ଲାୟନ୍ସ ୩୨୨ସି୪ ଦ୍ୱାରା “ଲାୟନ୍ସ ଆଇଡ଼ଲ” ପ୍ରତିଯୋ ଗୀତା ହୋଇଯାଇଛି । ଗତ ତା.୦୩.୧୧.୨୦୨୪ରିଖ ସଂନ୍ଧ୍ୟାରେ ଭୁବନେଶ୍ୱରସ୍ଥିତ ଗୁରୁ କେଳୁ ଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରରେ ଏହି ପ୍ରତିଯୋଗୀତା ଲାୟନ୍ସ ଜିଲ୍ଲା ପ୍ରତିନିଧି ସଂଯୁକ୍ତା ପତ୍ରୀଙ୍କ ତତ୍ତ୍ୱାବଧାନରେ ସମାପନ ହୋଇଛି । ଗତ ଅକ୍ଟୋବର ୨୦ ତାରିଖରେ ପ୍ରାଥମିକ ରାଉଣ୍ଡରେ ସବ୍ ଜୁନିୟର, ଜୁନିୟର ଏବଂ ସିନିୟର ଏହିପରି ତିନୋଟି ବିଭାଗରେ ପ୍ରାୟ ୩୫ଜଣ ପ୍ରତିଯୋଗୀ ଚୟନ ହୋଇ ଫାଇନାଲ ରାଉଣ୍ଡରେ ଅଂଶ ଗ୍ରହଣ କରିଥିଲେ । ଜିଲ୍ଲା ଗଭର୍ଣ୍ଣର ସରସ୍ୱତୀ ପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ପ୍ରତିଯୋଗୀମାନଙ୍କୁ ଉତ୍ସାହିତ କରିବା ସଙ୍ଗେ ସଙ୍ଗେ ସଂଯୁକ୍ତା ପତ୍ରୀଙ୍କର ଏହି ପଦକ୍ଷେପକୁ ବହୁ ପ୍ରଶଂସା କରିଥିଲେ ।
ଓଡ଼ିଶାର ବିଶିଷ୍ଟ କଣ୍ଠଶିଳ୍ପୀ ସୌରଭ ନାୟକ, ଲୋଭା ବିଶ୍ୱାଳ, ଶୈଳେନ୍ଦ୍ର ପାତ୍ର ଓ ଶୈଳବାଳା ମହାପାତ୍ର ବିଚାରକ ଭାବେ ଉପସ୍ଥିତ ରହି ନିରପେକ୍ଷ ଚୟନ କରିଥିଲେ । ଉକ୍ତ ଅବସରରେ ପ୍ରଖ୍ୟାତ ଗାୟୀକା ତୃପ୍ତୀ ଦାସ, ଗୀତା ପଟ୍ଟନାୟକ ଓ ଗାୟକ ଦିବାକାର ମହାନ୍ତିଙ୍କୁ ସମ୍ମାନିତ କରାଯାଇଥିଲା । ପ୍ରତିଯୋଗୀତାର ସବ୍ଜୁନିୟର:-ପ୍ରଥମ- ଅର୍ଣ୍ଣିତା ବିଶ୍ୱାଳ, ଦ୍ୱିତୀୟ-ସଚି ପ୍ରିୟଦର୍ଶିନୀ, ତୃତୀୟ- ପ୍ରତ୍ୟୁଶ ସେହିପରି ଜୁନିୟର :- ପ୍ରଥମ-ନିହାରୀକା, ଦ୍ୱିତୀୟ-ସାଇ ପ୍ରିୟଂଶୀ, ତୃତୀୟ-ଦେବାଂଶୀ, ସିନିୟର-ପ୍ରଥମ-ବୈଷ୍ଣବୀ, ଦ୍ୱିତୀୟ- ସାଇଶ୍ରୀ ପ୍ରଧାନ, ତୃତୀୟ-ସ୍ୱୀକୃତି ସାହୁ ସ୍ଥାନ ଅଧିକାର କରିଥିଲେ ।
ଏହି ବିଜୟତା ପ୍ରତିଯୋଗୀମାନଙ୍କ ମଧ୍ୟରୁ ପ୍ରତି ପ୍ରଥମ ବିଜେତାଙ୍କୁ ୫ହଜାର, ପ୍ରତି ଦ୍ୱିତୀୟ ବିଜେତାଙ୍କୁ ୩ହଜାର ଟଙ୍କା ଓ ତୃତୀୟ ବିଜେତାଙ୍କୁ ୨ହଜାର ଟଙ୍କା ସହିତ ଟ୍ରଫି ଓ ସାର୍ଟିଫିକେଟ ପ୍ରଦାନ କରାଯାଇଥିଲା । ଏହି ମନୋରଞ୍ଜନ କାର୍ଯ୍ୟକ୍ରମରେ ଉପ ଜିଲ୍ଲା ଗଭର୍ଣ୍ଣର ହେମନ୍ତ ବହୁ ପୂର୍ବତନ ଜିଲ୍ଲା ଗଭର୍ଣ୍ଣର ଓ ଅନେକ ଲାୟନ ସଭ୍ୟ ସଭ୍ୟା ଉପସ୍ଥିତ ଥିଲେ । ଲାୟନ ସୁରଭୀ ଦାସ ଉକ୍ତ ମନୋରମ ସଂନ୍ଧ୍ୟାକୁ ସୁଚାରୁରୂପେ ପରିଚାଳନା କରିଥିଲେ । ସର୍ବଶେଷରେ ଉପ ଜିଲ୍ଲା ପ୍ରତିନିଧି ଲାୟନ ରଶ୍ମୀତା ସାହୁ ଧନ୍ୟବାଦ ଅର୍ପଣ କରିଥିଲେ ।
