୦୩ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> କାର୍ତ୍ତିକ ମାସ ଶୁକ୍ଳପକ୍ଷ ଦ୍ଵିତୀୟା ତିଥି |ପବିତ୍ର ଯମ ଦ୍ଵିତୀୟା/ଭାଇ ଦ୍ଵିତୀୟା ଅବସର ରେ ପୁରୀ ହରଚଣ୍ଡୀ ସାହି ନିକଟ ଗୌଡ଼ବାଡ଼ ସାହି ସ୍ଥିତ ଜମ୍ବେଶ୍ୱର ମହାଦେବ ଙ୍କ ମନ୍ଦିର ରେ ଯମ ଦ୍ଵିତୀୟା ପାଳିତ ହେଉଅଛି । ହବିଷ୍ୟାଳି ମାନଙ୍କ ଭିଡ ଦେଖିବାକୁ ମିଳିଛି | ମନ୍ଦିରରେ ଓ ମନ୍ଦିର ପାର୍ଶ୍ଵ ରେ ଯମ ଙ୍କ ମୂର୍ତ୍ତୀ ପାଖରେ ଆଜି ଅନେକ ଶ୍ରଦ୍ଧାଳୁ ଙ୍କ ଗହଳି ଦେଖିବାକୁ ମିଳୁଛି । ଜମ୍ବେଶ୍ୱର ମହାଦେବ ଙ୍କ ମନ୍ଦିର ପାର୍ଶ୍ୱ ବେଢ଼ା ରେ ମା ପାର୍ବତୀ ଙ୍କ ଆଜି ହରଚଣ୍ଡୀ ବେଶ ରେ ମଧ୍ୟ ଶ୍ରଦ୍ଧାଳୁ ଙ୍କୁ ଦର୍ଶନ ଦେଉଛନ୍ତି ।
ମନ୍ଦିରରେ ପୂଜିତ ପଣ୍ଡୁ ନୃସିଂହ ଓ ମା କୃଷ୍ଣ କାଳୀ ଙ୍କ ଦର୍ଶନ କରିବାକୁ କାର୍ତ୍ତିକ ବ୍ରତ କରୁଥିବା ମା ମାନେ ଓ ଶ୍ରଦ୍ଧାଳୁ ଙ୍କ ଭିଡ଼ ଦେଖିବାକୁ ମିଳିଛି । ପ୍ରତିବର୍ଷ ଭଳି ଏବର୍ଷ ମଧ୍ୟ ରବିବାର ଦିନ ଗୌଡ଼ବାଡ ସାହି ସ୍ଥିତ ଶ୍ରୀ ଯମେଶ୍ୱର ମନ୍ଦିରରେ ଯମ ଦ୍ଵିତୀୟା ପର୍ବ ଅନୁଷ୍ଠିତ ହୋଇଛି । ମନ୍ଦିର ପରିସରରେ ବିରାଜିତ ଶ୍ରୀ ଯମ ଦେବତା ଙ୍କ ପାଖେ ବିଶେଷ ଭାବରେ ପୂଜାର୍ଚ୍ଚନା ସହ ବେଣ୍ଟ ମୁଆଁ ଭୋଗ ଅର୍ପଣ କରାଯାଇଥିଲା ।
ଶ୍ରୀ ଯମେଶ୍ୱର ଓ ଶ୍ରୀ ହରିହର ଙ୍କ ସ୍ଵତନ୍ତ୍ର ବେଶ ଅନୁଷ୍ଠିତ ହେବା ସହ ମା ପାର୍ବତୀଙ୍କ ମହିଷାମର୍ଦ୍ଦିନୀ ବେଶ ଅନୁଷ୍ଠିତ ହୋଇଛି । ବିଶ୍ୱାସ ରହିଛି ଯେ,ଏହି ଦିନ ଶ୍ରୀଯମ୍ବେଶ୍ୱର ଙ୍କୁ ଦର୍ଶନ କଲେ ଯମଦଣ୍ଡ ରୁ ମୁକ୍ତି ମିଳିଥାଏ । ମନ୍ଦିରରେ ଦିନ ଓ ରାତି ଉଭୟ ସମୟରେ ଗହଳି ଲାଗି ରହୁଥିବା ବେଳେ ବିଶେଷ ଭାବେ ରାତ୍ରରେ ମନ୍ଦିର ନିକଟରେ ମେଳା ର ଆୟୋଜନ ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମାନ ଅନୁଷ୍ଠିତ ହେଉଛି ।
