୧ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ଅପରାହ୍ନ ରେ ସଂସ୍କୃତି ଭବନ ସ୍ଥିତ ରେଜିଓନାଲ ଆର୍ଟ ଗ୍ୟାଲେରୀ ରେ ଶିଳ୍ପୀ ସନ୍ତୋଷ ସେଠୀ ଙ୍କ ଦ୍ଵାରା ପ୍ରସ୍ତୁତ ମୋ ମନର ଜଗନ୍ନାଥ ଶୀର୍ଷକ ଏକ ଚିତ୍ରକଳା ପ୍ରଦର୍ଶନୀ ଉଦଘାଟିତ ହୋଇ ଥିଲା । ଏହାକୁ ଉଦଘାଟନ କରି ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ ପ୍ରତ୍ୟେକ କଳାକାର ଜଣେ ଜଣେ ଦିବ୍ୟ ପ୍ରତିଭାର ଅଧିକାରୀ । ସେମାନଙ୍କ ସାଧନା ଓ ପରିଶ୍ରମ ବଳରେ ସେମାନେ ସମାଜ ରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥାନ୍ତି ।
କଳାକାର ସନ୍ତୋଷ ଙ୍କ ଚିତ୍ର ଗୁଡିକ ଏତେ ଜୀବନ୍ତ ଓ ଆକର୍ଷଣୀୟ ଯେ ତାହା ଦର୍ଶକ କୁ ବାରମ୍ବାର ଆକୃଷ୍ଟ କରୁଛି ବୋଲି କହିଥିଲେ।ଏହି ଉଦଘାଟନ ସମୟରେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ, ପୌର ନିର୍ବାହୀ ଅଧିକାରୀ ଅଭିମନ୍ୟୁ ବେହେରା, ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ, ଜିଲ୍ଲା ସଂସ୍କୃତି ଅଧିକାରୀ ହେମନ୍ତ ବେହେରା,ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ହିମାଂଶୁ ସମରଥ,ବରିଷ୍ଠ ଶିଳ୍ପୀ ଚନ୍ଦ୍ର ଶେଖର ମହାରଣା,
ଆର୍ଟ ଗ୍ୟାଲେରୀ ତତ୍ତ୍ୱାବଧାରକ ସତ୍ୟ ପାଢ଼ୀ ଅନ୍ୟାନ୍ୟ କଳାକାର ଓ ଦର୍ଶକ ଉପସ୍ଥିତ ଥିଲେ।ଏହି ପ୍ରଦର୍ଶନୀ ନଭେମ୍ବର ୭ ତାରିଖ ପର୍ଯ୍ୟନ୍ତ ଜାରି ରହିବ।ପ୍ରତ୍ୟହ ଦିବା ୧୧ ଘଟିକା ରୁ ସଂଧ୍ୟା ୬ ଘଟିକା ପର୍ଯ୍ୟନ୍ତ ଏହି ପ୍ରଦର୍ଶନୀ ଖୋଲା ରହିବ ବୋଲି ଶିଳ୍ପୀ ସନ୍ତୋଷ ସେଠୀ ସୂଚନା ଦେଇଛନ୍ତି।
