ଜିନ୍ଦଲ କାରଖାନାରକୁ ପ୍ରଦୂଷଣ ବିଭାଗ ର କାରଣଦର୍ଶାଅ ନୋଟିସ, କେତେ ହେଉଛି କାର୍ଯ୍ୟକାରୀ ?

ପ୍ରଦୂଷଣ ଯନ୍ତାରେ କଳିଙ୍ଗନଗରବାସୀ ଛଟପଟ

ପ୍ରଦୂଷଣ ଯନ୍ତାରେ କଳିଙ୍ଗନଗରବାସୀ ଛଟପଟ ହେଉଥିବା ବେଳ ଏବେ କାରଖାନା ପାଇଁ ଶିଳ୍ପପତିମାନଙ୍କ ଲମ୍ବା ଧାଡ଼ି ଲାଗିଛି । ଏପଟେ ଜନ ଶୁଣାଣି ପାଇଁ ନାନା ବିଭ୍ରାନ୍ତିକର ତଥ୍ୟ ଦିଆଯାଉଛି । ଏହାକୁ ନେଇ ବଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି ।

୩୧ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) କଳିଙ୍ଗନଗର :-> କଳିଙ୍ଗନଗର ଶିଳ୍ପାଞ୍ଚଳରେ ଥିବା ଜିନ୍ଦଲ କାରଖାନା କୁ ମାତ୍ରାଧିକ ବାୟୁ ଜଳ ପ୍ରଦୂଷଣ କରୁଥିବା ପାଇଁ ପ୍ରଦୂଷଣ ବିଭାଗ କାରଣ ଦର୍ଶାଅ ନୋଟିସ ଦେଇଛନ୍ତି,କଳିଙ୍ଗ ନଗର ଶିଳ୍ପ ରାଜଧାନୀ ରେ ୧୫ରୁ ଉର୍ଦ୍ଧ କାରଖାନା ସ୍ଥାପିତ ହୋଇଛି । ଦିନ କୁ ଦିନ କଳିଙ୍ଗ ନଗର ଅଞ୍ଚଳରେ ବାୟୁ,ଜଳ ପ୍ରଦୂଷଣ ବଢି ଚାଲିଛି ଯାହା ଫଳରେ କାରଖାନା ଚାରିପାଖରେ ଥିବା ଜନସାଧାରଣ ବିଭିନ୍ନ ରୋଗର ଶିକାର ହେବା ସହ ମୃତ୍ୟୁ ମୁଖରେ ପଡୁଛନ୍ତି ।

ଯାହା କୁ ନେଇ ନୂତନ ଆଞ୍ଚଳିକ ପ୍ରଦୂଷଣ ବିଭାଗ ର ମୁଖ୍ୟ ନିଜର କାର୍ଯ୍ୟଦକ୍ଷତା ବଳରେ କଳିଙ୍ଗନଗର ରେ ଥିବା ଏକାଧିକ କାରଖାନା କୁ ପ୍ରଦୂଷଣ ନିୟନ୍ତ୍ରଣ କରିବା ପାଇଁ ବହୁ ସମୟରେ ପରିଦର୍ଶନ କଲା ପରେ ଏବେ କାରଣଦର୍ଶାଅ ନୋଟିସ ପଠାଉଛନ୍ତି । ସୂଚନା ମୁତାବକ ଚିଠି ସଂଖ୍ୟା ୧୭୧୮୬ ଆଇଏନଡି ଆଇ କେନ୍ ୫୨୮୭ ତା ୨୫.୧୦.୨୪ ରେ ଜିନ୍ଦଲ କାରଖାନାରକୁ ଦୁଇ ସପ୍ତାହ ମଧ୍ୟରେ ଉତ୍ତର ରଖିବା ପାଇଁ କାରଖାନା କୁ ନୋଟିସ ଦିଆଯାଇଛି, ଯଦି କୌଣସି ସନ୍ତୋଷ ଜନକ ଉତ୍ତର ନ ଦିଆ ଯାଏ ତେବେ କାରଖାନା ବନ୍ଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି,

ରାଜ୍ୟ ପ୍ରଦୂଷଣ ନିୟନ୍ତ୍ରଣ ବିଭାଗ ର ସଚିବ,ଗତ ୮.୦୯.୨୩ ର ରିପୋର୍ଟ ଆଧାରରେ ଗୋଟିଏ ଚିଠି କରିଥିଲେ ଚିଠି ସଂଖ୍ୟା ୧୬୩୮୧ ଥିବା ରିପୋର୍ଟ ଦେଇଥିବା ବେଳେ ଗତ ୨୬.୦୯.୨୪ରେ ଆଞ୍ଚଳିକ ପ୍ରଦୂଷଣ ବିଭାଗ ର ପରିଦର୍ଶନ ସମୟରେ ଜିନ୍ଦଲ ଗେଟ୍ ନମ୍ବର ୩ର ନିକଟସ୍ଥ ଗଳାବାଟ ରେ ଛାଡୁଥିବା ଜଳ ନମୁନା ସଂଗ୍ରହ କରିଥିଲେ ପ୍ରଦୂଷଣ ବିଭାଗ ର କର୍ମକର୍ତ୍ତା ଯାହା କି ପରିବେଶ ପାଇଁ କ୍ଷତିକାରକ ହୋଇଥିବା ଯୋଗୁଁ ଅଧିକାରୀ ଙ୍କ ରିପୋର୍ଟ ଅନୁଯାୟୀ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବିଭାଗ ର ସଚିବ ଏପରି ନିର୍ଦ୍ଦେଶ ଜାରି କରିଛନ୍ତି । ତେଣୁ ଆଗକୁ ଦେଖିବାକୁ ବାକି ରହିଲା କି ର ଜିନ୍ଦଲ କାରଖାନାର ପ୍ରଦୂଷଣ ନିୟନ୍ତ୍ରଣ କରିବା ପାଇଁ କ’ଣ ସବୁ ପଦକ୍ଷେପ ଗ୍ରହଣ କରୁଛନ୍ତି ।